ASK-imi ikuallattoq: Atuartut tamarmik soraarput
Atuarfiup sanasarfiani pilattornerlukut ikuallaleraluarput. Atuarfik Samuel Kleinschmidtimi pisortaq taama oqaluttuarpoq.
Nuummi qatserisartut nalunaaqutaq ulloqeqqanut Atuarfik Samuel Kleinschmidtiliarput (ASK), tassani atuarfiup sanasarfiani annertunngitsumik ikuallattoqarmat.
- Pilattornerlukuni aamaqartoq pedelip siumorpaa. Taassuma qaminniarsarigaluarpaa, qatersisartullu ingerlaannaq attaveqarfigalugit atuarfimmit qimagussortitsivugut, ASK-imi pisortaq, Malene Kongpetsat oqarpoq.
Minutsit marluinnaat qaangiuttut qatserisartut takkussimasut, aamma minutstit tallimat iluanni atuarfik qimagussortitsiffigineqarsimasoq, taanna oqaluttuarpoq.
Atuarfik ataasinngorpat piareersimassaaq
Atuarfiup illutaani annertuumik pujoqarsimammat, qimagussortitsinerup kingorna atuartut tamarmik soraarsimasut, atuarfiup pisortaa ilisimatitsivoq.
- Maanna silaannarissaavugut, aamma asaaqqissaartoqarumaarpoq, kisianni ataasinngorpat atuarfik ammaqqinnissaa qularutiginngilara, Malene Kongpetsat oqarpoq.
Ikuallattoqarneranut atatillugu ajoqusertoqarsimanngitsoq, taanna ilisimatitsivoq.