Assit 22-t: Ilisimatusarfimmi soraarummeertut nuannaartut takukkit
Ullaap tungaani bachelorit 59-t, kandidatinngortoq ataaseq aamma masterinngortoq ataaseq Ilisimatusarfimmi allagartartaarput.
Annonse
OBS: Assip ataanni tikkuutit toorlugit assit ilai takusinnaavatit, aaqq.
Ukiuni arlalinni ilinniareernerup kingorna bachelorinngortut eqqissiallassinnaanngorput: soraarummeersimanermut uppernarsaat pissarsiarineqarpoq. Tamannalu pisarneq malillugu Ilisimatusarfimmi nalliuttorsiutigineqarpoq.
Bacheloritut soraarummeertut immikkoortortani imatut agguataarneqarput:
- Inuussutissarsiornermi Aningaasaqarnermik Ilisimatusarneq: bachelorit qulingiluat
- Tusagassiortut: bachelorit sisamat
- Nutserisoq oqalutsilu: bachelorit marluk
- Inuiaqatigiilerineq: bachelorit marluk
- Peqqissaasut: bachelorit 11-t
- Ilinniartitsisut: bachelorit 31-t
Tamatuma saniatigut Inuiaqatigiilerinermi West Nordic studiesimi kandidatinngortoq ataasiuvoq aamma Naatsorsuuserinermi aamma Aningaasaqarnermik aqutsinermi ilinniakkami HD 2. delimi masterinngortoq ataasiulluni.