Paamiut
Assit takukkit: Nunatsinni najukkami ataatsimiisitaliaq siullerpaaq
Nunatsinni najukkami ataatsimiisitaliat siullersaat Paamiuni pilersinneqarpoq
Paamiuni najukkami ataatsimiisitaliamut ilaasortassat qinerneqarput.
Tamanna pivoq marlunngornermi unnukkut katersortarfimmi innuttaasunik ataatsimiisitsinermi. Tassani paamiormiut tallimat najukkami ataatsimiisitaliami ilaasortassatut qinerneqarput.
Najukkami ataatsimiisitaliami ilaasortanngortut:
- Peter A. Petersen taasisoralugit 27
- Inequ Guldager taasisoralugit 21
- Lucia Møller-Grønvold taasisoralugit 19
- Frederik Petersen taasisoralugit 19
- Hermann Hegelund taasisoralugit 17
Atuaruk: Sermersooq najukkami ataatsimiititaliaqalernissamut piareerpoq
Najukkami Ataatsimiititaliaq sumiiffinni najugaqartut, peqatigiiffiit, kommunimilu politikkikkut suliaqartut oqartussaasullu akornanni suleqatigiinnermut nukittorsaataassaaq kiisalu sumiiffinni inuiaqatigiit timitaliisarnikkut, kulturikkut oqartussaaqataanermillu periarfissaasa naleqartitaasalu ineriartortinneqarnissaat ataavartinneqarnissaallu periarfississavaat.
Ataatsimiitaliani ilaasortat qinigaaffiat 2017-ip tungaanut atuuppoq.
Kommuneqarfik Sermersuup nalunaaruteqarnera naapertorlugu 16-leereersimasut illoqarfimmilu najugaqarlut, najukkami ataatsimiititaliamut qinigassanngortissinnaapput.
Tasiilami najukkami ataatsimiisitaliamut aamma marlunngornermi qinersisoqarpoq. Kommuunip illoqarfiini minnersami, Ittoqqortoormiuni, sapaatip akunnerani uani sisamanngornermi qinersisoqassaaq.
Assit allaaserisap ataani takukkit