Assit: Timersoqatigiiffiup utoqqaat pisoqatigiinnerannut peqataasoq
Maajimi peqqissuusaqarneranut atatillugu timersoqatigiiffik Ilulissaneersoq Nagdlunguak' utoqqaat illuanni najugalinnut pisoqatigiisitsivoq.
Utoqqaat illuanni Unganartumi najugaqartut peqatigalugit Maaji Peqqissuutigut malunnartinniarlugu timersoqatigiiffik Ilulissaneersoq Nagdlunguak' pisoqatigiissitsivoq.
- Sila nillikujukkaluartoq peqataasorpassuupput. Pisarneq malillugu Nagdlunguamiik utoqqaat illuani najugalinnut Maajimi Peqqissuusamut peqataatitsivugut, pisuttuaqatigiilluta, timersoqatigiiffiup siulersuisunut siulittaasua Lena Ravn Davidsen oqarpoq.
Utoqqaat illuanni najugaqartut nuannisarsimasut nalunaarutigineqarsimasoq oqaatigaa. Pisoqatigiilinnginnermi aamma minutsimi innuttaasut marluk qimagussimalersut eqqaaniarlugit minutsimi ataatsimi nipaallisimaaqatigiittoqarsimasoq nalunaarluni.
- Uagut takusinnaasagut malillugit assorsuaq nuannaarutigineqarpoq. Ilaatigut sivisuumik illoqarfiup ilaa takusimanngisartik takullugu pilluaatigeqaat. Minnerunngitsumik Landsholdinik aneeqateqarnertik assut nuannaarutigivaat, oqarpoq.