Ataatarsiaq pillagaavoq
Angut Maniitsumeersoq niviarsiaqqamut paarisaminut kinguaassiuutitigut pinerluuteqarsimasutut pineqaatissinneqarpoq.
Annonse
Angut, 40-it aallartilaarnerannik ukiulik, maajimi tigusarineqarpoq, ukiukitsumillu pinngitsaaliisimasutut atoqateqarsimasutullu unnerluutigineqarluni, knr.gl allappoq.
Atornerluinerit 2008-imiit 2010-mut pisarsimapput. Niviarsiaraq maanna 14-inik ukioqarpoq.
Ataatarsiaq pingasunngornermi eqqartuunneqarpoq ukiuni pingasuni pineqaatissinneqarsimasunik inissiisarfimmiittussanngorlugu.
Unnerluussisut pineqaatississiissut akueraat, angutilli pineqaatissinneqarnini ingerlateqqissanerlugu eqqarsarfissaqarumasoq politifuldmægtig Michael Hansen oqarpoq.