Ataatsimiitsitaliaq siunnersuisartoq atorunnaassaaq
Naalakkersuisut siulittaasuata statsministerillu isumaqatigiissutigisimavaat Kalaallit Nunaanni aningaasarsiorneq pillugu Ataatsimiitsitaliaq Siunnersuisartoq atorunnaarsineqassasoq.
Isumaqatigiissut naapertorlugu Kalaallit Nunaanni Aningaasarsiorneq pillugu Ataatsimiitsitaliaq Siunnersuisartoq (DRUG) aappaagu Kalaallit Nunaata Inuiattut ullorsiorfiani juunip 21-iani atorunnaarsinneqassaaq. Tamanna aningaasaqarnermut ataatsimiitsitaliap isumaliutissiissutaanut ilassummi saqqummiunneqaqqammersumi erserpoq.
Kisianni isumassarsiaq ajorluinnarppoq, taamak aningaasaqarnermut ataatsimiitsitaliami ilaasortat isumaqarput.
- Aningaasaqarnermut ataatsimiitsitaliap nalilerpaa taamatut aalajangerneq assut kukkunerusoq. Ataatsimiitsitaliap Naalakkersuisut siulittaasuat sakkortuumik kaammattussavaat isumaqatigiissut taanna allanngortinniaqqullugu, ataatsimiitsitaliaq allappoq.
Aningaasaqarnermut Ataatsimiitsitaliap isumaqarfigaa, DRUG-i ukiorpassuit ingerlaneranni »Kalaallit Nunaannut annertunerusumik aningaasartuutaatani aningaasaqarnikkut nalilersuinernik tutsuiginarluinnartunik tunniussisarsimasoq. Ataatsimiitsitaliaq ilisimasaqassutsikkut tangeqassutsikkullu tunngavilersuutitaqanngitsumik siunnersuinerup tamatuma taamaatiinnarnissaanut ilisimasaqassutsikkut tunngaviusinnaasumik takusaqarsinnaanngilaq.«,