Ataatsimut isigalugu: Nikkup ingerlallualertarneri ingerlanerliortarnerilu

Nikku Olsenip 2012-imi apriilimili partii nutaaq »kalaallit naleqartitaannik pingaartitsisoq« pilersinniarluguli nalunaaruteqarami politikkikkut inuttullu misigisarpassuaqarsimavoq.

Takunnilluarsinnaaneq pillugu Partii Inuit-ni aamma ingammik partiimi siulittaasup Nikku Olsenip ingerlallualertarnerit ingerlanerliortarnerillu Sermitsiaq.AG-mit matuma ataani issuarneqassapput. Ilanngutassiat tamarmik nittartakkakkut saqqummiunneqartarnikuupput.

· 11. apriilli 2013: »Paasisaavoq: Nikkup arnaanni unatarsimavaa«

Nikku Olsen Inatsisartunut ilaasortaanissaminut ataqqinassuseqanngitsutut naliliiffigineqarami isatsineq pineqanngilaq, kisiani suliassami tassani nakuuserneq pineqarpoq, taamatut tusarfiit tutsuiginartut arlallit Sermitsiaq.AG-klkut oqaluttuarput.

· 10. apriili 2013: »Randip Nikku illersorpaa«

- Patitsineq pineqartoq eqqarsaatigalugu, allanit tusartakkatsinnit annikinnerungaartoq qaqagorsuarmut pillaatisiarineqassappat akuerisinnaanngilarput, Partii Inuit sinnerlugit Inatsisartuni ilaasortaq partiimilu siulittaasup tullia Randi Broberg oqarpoq.

Ilanngutassiamilu kingusinnerusukkut:

- Soorunami inoqammut attuineq Partii Inuit akuerinngilaa. Taamaattoq aappaannaa pisuuneq ajormat isumaqarpunga suliani taamaattuni susoqarpiarsimanera nalullugu inunnik naliliisarneq eqqartuussisuunanilu eqqartuussisarneq mianersuuttariaqartoq, Randi Broberg oqarpoq.

· 10. apriili 2013: »Ulapaarneq pissutaalluni aalajangiinissaq kinguartinneqarpoq«

Nikku Olsenip nakuusersimanini pillugu suliassaq pillugu paasissutissat tunniunneqarnissaannut politiinut pisinnaatitsissummik tunniussissanerluni suli aalajanginngilaq. Partii Inuit siulittaasuata suliassami nakuusersimanerminut tunngasumi paasissutissat tunniunneqarnissaat isumatusaarnerunersoq pillugu marlunngormat unnukkut eqqartuussissuserisuni paasiniaaffigeqqaarniarsimagaluarpaa. Paasissutissat politiinit nipangiusimaneqartussaapput aamma Nikku Olsen aatsaat politiinut pisinnaatitsissummik tunniussippat paasissutissat tunniunneqarsinnaapput.

· 9. apriili 2013: »Siulittaasoq: Taamaattumik Nikku qinigaasinnaanngilaq«

Nikku Olsenip isassinera pillugu suliap naammassinerata ullua aalajangiisooqataavoq Inatsisartuni ilaasortaasinnaanngitsutut naliliiffigineqarneranut.

Suliap naammassineranit ukiut tallimat suli qaangiutinngillat taamaattumik Inatsisartuni ilaasortaasinnaatitaanngilaq.

- Paasissutissat pissarsiarisavut najoqqutaralugit suliaq ingerlanneqarpoq paasissutissallu imarisaat uagut sunniuteqarfigisinnaanngilagut.

Itisiliillunili pisoq pillugu oqaaseqarumanngilaq matoqqasumik ataatsimiinnermi suliaq suliarineqarmat. Lars-Emil Johansen qinigaanerup misilinneqarnissaanut ataatsimiititaliaagallartumi siulittaasuuvoq taakkulu inassutaat najoqqutaralugu suliaq suliarineqarpoq.

Nikku Olsenip Inatsisartuni ilaasortaanissaminut ataqqinassuseqannginneranut isatsineq kisimi pissutaasimanersoq pillugu ilumoortuuneraasoqarnissaa ilumuunngitsuuneraasoqarnissalu Sermitsiaq.AG-mit ilaatigut kissaatigineqarsimavoq.

· 9. apriili 2013: »Nikku pillugu akerliussutsimik takutitsinissaq«

Partii Inuit siulittaasuata illoqarfigisaani Qeqertarsuarmi tallimanngorpat apriilip ulluisa aqqaneq-aappaani Nikku Olsen tapersersorniarlugu akerliussutsimik takutsisoqassasoq inuusuttut suleqatigiit oqaluttuarput.

· 9. apriili 2013: »Nikku: Siulittaasuuinnassaanga«

Nikku Olsenip Inatsisartuni ilaasortaasinnaanngitsutut nalilerneqarnera Partii Inuit oqaluuseraa. Qinikkatut sulisinnaanngitsutut nalilerneqaraluartoq partiimit suli siuttussatut tapersersorneqarneqarpoq.

- Inatsisartuni taama pisoqaraluartoq politikkimik suliaqarnera unitsinnavianngilara. Suli kalaaleqatima ajornartorsiortut ikiornissat ajornartorsiutaasalu qiterisaata paasiniarnissaa uummateqarfigaara, Nikk Olsen Sermitsiaq.AG-mut oqarpoq.

· 5. apriili 2013: »Nikku: Isatsineq pissutaavoq«

Aapparisimasamik 2005-mi isassinneq Nikku Olsenip Inatsisartunut qinigaasinnaanngitsutut nalilerneqarneranut pissutaavoq.

Pisoq pillugu eqqartuussaasimanngilaq illuanilli eqqartuussinertaqanngitsumik akiliisinneqarsimavoq taamalu isumaqarsimalluni suliaq taanna uniffiusinnaanngitsoq.

- Unataasartuunngilanga. 2005-mi eqqarsaatikkut samanerujussuarmiippunga aapparisannit anisitaaqqammerlunga anaanannguaralu toqujartorluni. Taamanikkut aapparillatsiarnikuusara patippara isumaqarsimallungalu suliaq taanna qaangiuteriikatattoq, Nikku Olsen Sermitsiaq.AG-mut oqarpoq.

· 5. apriili 2013: »Nikku qinigaasinnaanngilaq«

Partii Inuit siulittaasua Nikku Olsen Inatsisartuni qinigaasinnaassuseqanngitsoq Inatsiartut aalajangerpaat. Lars P. Mathæussen Inatsisartuni maanna ilaasortanngorpoq.

· 5. apriili 2013: »Nikku oqaaseqarumanngilaq«

Partii Inuit-ni siulittaasoq Nikku Olsen nakuusersimanini pillugit tusallatsiakkat ilumut ilumoortuunersut pillugit Sermitsiaq.AG-mit ilumoortuunerannginneraanissamik neqeroorummut oqaaseqarumanngilaq. Aaqqissuisoqarfimmit Partii Inuit-nut saaffiginnittoqarsimagaluarpoq aperisoqarlunilu Nikku Olsen Sermitsiaq.AG-mut pisinnaatitsissummik tunerusunneraa, taamaalilluta pinerluuteqarsimasut nalunaarsorneqartarfiannit qanga pisimasut Nikkumut tunngasut assilineqarnerat uatsinnut tunniunneqarsinnaaniassammata.

Paasissutissat iluaqutigalugit tusallatsiakkat nuanniitsut inaarutaasumik eqqortuunnginnerarneqarsinnaagaluarput – taamaalilluni politikeri taanna pinngitsuutillugu. Nikku Olsen partiini aqqutigalugu oqarpoq apriilip ulluisa aappaani kommuninut qinersinissaq pissutigalugu ulapilluni. Kisianni qinersinerup kingorna Sermitsiaq.AG-mit kaammattuineq qisuariarfigisimanngilaa.

· 26. marsi 2013: »Nikku: Taamaattumik peqataanngilanga«

Partii Inuit siulittaasuat kalaallisut oqaatsivut pillugit qineqqusaarnermi saqqummeqattaarpoq. Aamma kulturimik suliallit iligimassuk arlalinnit ilimagineqalersimagaluarpoq kulturimut naalakkersuisuni ilaasortanngussasoq.

Namminerli Inatsisartuni ilaasortaannartut ingerlaniarpoq.

Partii Inuit Naalakkersuisuni ilaasortaatitarilerpaat Mette Lynge ineqarnermut avatangiisinullu oqartussaalertussanngortoq. Partiit Inuit sinnerlugit qinigaasut Nikku Olsen aamma Randi Broberg naalakkersuisunngussanngillat.

Formand for Partii Inuit, Nikku Olsen, har været en markant fortaler for det grønlandske sprog

· 19. marsi 2013: »Isumammik allanngortitsineq: Partii Inuit uran pillugu isumartik allanngortippaat»

Naalakkersuisooqatigiilertussat uranimut naaggarluinnarsimaneq atorunnaarsinniarpaat. Partii Inuit uranimut naaggaarsimagaluartut isumartik allanngortippaat.

· 19. marsi 2013: »Partiit pingasut naalakkersuisunngussapput«

Siumup siulersuisuunerisa partiip siulittaasua Aleqa Hammond pisinnaatippaat naalakkersuisunngortitsiniarluni Partii Inuit aamma Atassut isumaqatigiinniarfigissagaat.

Siumut, Partii Inuit aamma Atassut tallimanngorpat naalakkersuisooqatigiinnissamik isumaqatigiissumik atsioqatigiinnissamik ilimasaaripput. Naalakkersuisoqarfiit agguataarnissaat suli tikinneqanngilaq.

· 12. marsi 2013: Flot Inatsisartut-valg for Nikku Olsen

Partiformand Nikku Olsen bliver den helt store stemmesluger for Partii Inuit med 1.116 personlige stemmer, hvilket betyder, at han er den politiker, der fik fjerdeflest personlige stemmer ved Inatsisartut-valget.

· 5. februar 2013. ”Nikku: Tassa uagut nunarput!«

- Inunnut ataasiakkaanut tunngassuteqanngilaq, isumaqarpugulli Inatsisartuni kalaallit oqaasii kisiartaallutik atorneqartariaqartut pissutigalugu uagut nunatsinniikkatta. Danmarkimut assersuusserusuppunga, Folketingimi politikerit qallunaatut oqaluttussaammata.

Taamaattumik Inatsisartuni taamaallaat kalaallisut oqaluttariaqarpugut.

· 30. januaair 2013: »Partii Inuit Inatsisartunut piareerput«

- Inatsisartunut qinersinermi peqataasinnaanissatsinnut Inatsisartunit akineqarnissarput suli utaqqivarput. Annertuumilli sulissutigisimavarput suut qineqqusaarutigissanerlutigit. Oqarsinnaavungali qinersinissamut piareersimasugut. Partii Inuit siulittaasua Nikku Olsen Sermitsiaq.AG-mut taamatut oqarpoq.

· 25. januaari 2013: »Partii nutaaq pilersinneqarpoq«

Partii nutaaq Partii Inuit qaammatini arlalinni piareersarneqareerluni kiisami partiitut taasinnaalerpoq siulersusussat ippassaq unnukkut akuerineqarmata.

- Ippassaq unnukkut kingusissukkut siulersuisussat inissippavut, partiimik pilersitsisoq Nikku Olsen nuannaaqaluni oqarpoq.

Maannagaarlu oqaatigerusunngilaaq partii sunik pingaartitaqarlunilu anguniagaqarnersoq, partiimiittullu allat peqatigalugot qanittukkut tusagassiuutinik katersortitsiniarluni.

Partii 2012-imi apiriiliimi Ilorpiatta Akisunnera-nik taaguuserlugu pilersinneqarpoq, kisianni piffissap ingerlanerani allamik taaguuserneqarpoq.

· 13. apriili 2012: »Partii inuiaat katersuuffissaat nutaaq«

- Ilorpiatta Akisunnera taamatut partii nutaaq taaguuserlugu pilersinniarparput. Kalaallit Nunaat inuiaat kalaallit katersuuffigisinnaasaannik nutaamik pisariaqartitsivoq. Tamannalu piviusunngussappat inuiaassuseq inuiattullu naleqartitat aallaavigalugit pilersinneqartariaqarpoq, Nikku Olsen oqaluttuarpoq.

Nikku Olsen pillugu ilanngutassiaq uani atuaruk