Atassummi Inatsisartunut qinigassanngortittut
Partii ataqatigiiffiusutoqaq Inatsisartunut 16-inik qinigassanngortitaqarpoq. Qinigassanngortittut aqqi ilanngutassiami takukkit.
Atassummi Aqqalu C. Jerimiassen siuttoralugu apriliip arfernani Inatsisartunut qinigassanngortittut 16-iupput.
Qinigassanngortittut ilagaat Ilulissani suliffeqarfiutilik Arne Niemann.
- Sassarpunga qinigassanngortinnissamut kaammattorneqarama. Meeqqat ilinniartitaanerlu qineqqusaarnermi pingaarnerutillugit sammisaqassaanga. Isumaqarpunga, Pituffimmi ilinniarfissarsinissamut periarfissat atorluartariaqarivut. Utoqqaalli aamma pitsaanerusumik atugassaqartinneqartariaqarput, ilumoorsinnaanngilarmi utoqqalinermi pitsaanerusumik atugassaqarusulluni Danmarkimut nuuttariaqarneq, taanna Sermitsiaq.AG-mut oqarpoq.
Arne Niemannip aamma oqaatigaa, peqqinnissaqarfik pitsaanerulertariaqartoq.
- Danmarki suleqatigilluarneqarnerusariaqarpoq, nappaatimmi suussusersineqarnissaanut piffissap sivisuumik ingerlasarnera pissusissamisuunngilaq, Arne Niemann oqarpoq.
Atassutip Inatsisartunut qinigassanngortitai:
Bentiaraq Bendtsen Ottosen, Qaqortoq
Betty Ottosen, Qaqortoq
Ove Thomassen, Nuuk
Edvard Geisler, Nuuk
Qulutannguaq Berthelsen, Nuuk
Nikolaj Rosing, Maniitsoq
Ole Hammond, Maniitsoq
Siverth K. Heilmann, Maniitsoq
Annalisa Ostermann, Maniitsoq
Malu Ostermann, Maniitsoq
Arnánguak Jeremiassen, Niaqornaarsuk
Jens Jørgen Nielsen, Aasiaat
Aqqalu C. Jerimiassen, Ilulissat
Arne Niemann, Ilulissat
Knud Kleemann, Upernavik
Karl-Peter Grim, Upernavik
Qinigassanngortittut qinigaasinnaatitaanerat qinersinermi ataatsimiititaliamit uppernarsarneqassaaq.