Atassut ilaajunnaarpoq
Finn Karlsen partiialu naalakkersuisunik nutaanik pilersitsiniarnermi peqataajunnaarput. Demokraatit naalakkersuisooqataassappata Atassut peqataajumanngilaq.
- Malugisinnaavarput Demokraatit uagtsinnik isiginninnerat allanngorsimanngitsoq. Nikaginnipput, suunngitsutullu isigaatigut.
- Qaniq ililluta naalakkersuisooqatigisinnaavagut ilassisinnaanngikkutta oqaloqatigiissinnaanngikkuttalu, Finn Karlsen aperaaq.
Tallimanngormalli Atassutip IA'p siulittaasua Kuupik Kleist isisimatippaa Demokraatit naalakkersuisooqatigiissappata peqataajumanatik.
- Kingorna Kuupik Kleist marlussoriarlunga oqaloqatigisarpara isummagut itisilerlugit, Finn Karlsen oqarpoq.
Naalakkersuisunut tapersersuisutulluunniit Atassut peqataajumanngilaq.
- Naalakkersuisut Demokraatinit peqataaffigineqartut tapersersorsinnaanngilagut, Finn Karlsen oqarpoq.
2005-imi Siumumik Atassummillu naalakkersuisooqateqarnermit IA peqataajunnaarmat pissutsit innerattut ullumikkut pissutsit ittut, Finn Karlsen oqarpoq.
- Taamani aamma aperineqaraluarpugut Demokraatit peqatigalugit naalakkersuisooqataasinnaanersugut, taamanlili aamma naaggaarpugut, Finn Karlsen oqarpoq.
Kuupik Kleist Jens B. Frederikseniluunniit oqaaseqartissinnaasimanngilagut, sapaammi ulloqqqata missaani ataatsimeeqatigiimmata.