mamianartut kingorna
Atassut: Imatut sukaterisoqassaaq
Atassut isumaqarpoq soraarsitsinerit atorfinitsitsinerillu oqallisaaneranni politikkikkut suliassat tunulliunneqalersut. Maanna erseqqissunik maleruagassioqqusipput
- Sulisussarsiornermi suliffeqarfiit sullissisut erseqqissumik piumasaqarfigineqartariarput paasissutissat pingaarutillit tamarmik katersorneqarsimassasut atorfinitsitsinermut ataatsimiititaliamut innersuussisoqannginnerani, Atassutip siulittaasua Gerhardt Petersen taama Sermitsiaq.AG-mut oqarpoq.
Atassut naalakkersuisooqatiminut Siumut Partii Inunnullu ammasunik allagaqarpoq ataatsimeeqatigiinnissaq piumasaralugu politikkikkut suliat aallunneqarnissaat sallinngorniassammat. Tamanna pivoq namminersorlutik oqartussani soraarsitsinerni mamianartunik arlalinnik pisoqareersoq.
- Uagut politikkeritut suliassarinngilarput atorfinitsitsinilu soraarsitsinissaq. Tamannali iluatsissappat sulisussarsiornermi sulissisut suliartik sukumiisumik suliarisariaqarpat atorfinitsitsinermut ataatsimiititaliamut innersuussinnginnermi. Inunnut ataasiakkaanut suliani kukkusoqartarsimavoq tamakkulu naalakkersuisooqatigiinnermi anguniakkat naammassiniarnerannut kinguarsaataapput, Gerhardt Petersen oqarpoq.
Taassuma aamma isumaqatiginngilaa inunnut ataasiakkaanut suliat tamani oqallisaanerat.
- Inuit ataasiakkat tusaamaneqarnerat assut mingutserneqarneqarsimavoq. Inuilli taakku aamma inuunerminni ingerlaqqittussaapput suliffittaaqqiniartussaallutillu. Taamaammat miarnersuussisariaqarpugut, Gerhardt Petersen oqarpoq.
Carsten Frank Hansen pillugu Sermitsiaq.AG-mi allaaserisat uani atuarsinnaavatit