Atassut: Jonathan tunuarit
Inatsisartut Siulittaasuat tunuaqqullugu piumaffigineqartariaqarpoq, Atassutikkut isumaqarput
– Inatsisartut Siulittaasuata arnamut kinguaassiutitigut kanngunartuliorsimaneragaanera, ulluni arlalissuanngortuni tusagassiuutit aqqutigalugit oqallisigineqartoq innersuussutigalugu, maannalu arnap pineqartup nammineq qanoq pisoqarsimaneranik oqaluttuarnera tunngavigalugu pisimasoq taassumalu kingunerisai Inatsisartut tatiginassusaannut annikinngitsumik innarliisutut nalilerlutigu, matumuuna Atassut-mit kajumissaassavatsigit Inatsisartut Siulittaasuat piaarnerpaamik inissisimanerminit nammineerluni tunuarniuteqarnissaanik piumaffigeqqullugu, Finn Karlsen allappoq.
– Pisoq ilungersunarluinnartutut Atassut-mit nalilerparput, Inatsisartut Siulittaasuata iliuuserisimasani akisussaaffigisariaqarpai Inatsisartullu allattoqarfiani sulisut toqqissillutik sulisinnaanissaat qulakkeerneqartariaqarpoq, taamaammat politiinut nalunaarutiginnissimaneq tamatumalu kingorna nalunaarutiginninnerup politiinit qanoq suliarineqarsimanera apeqqutaatinnagu Inatsisartut Siulittaasuat inissisimanerminit tunuartariaqartoq Atassut-mit naliliivugut, Finn Karlsen allappoq.