Atassut: Qinersinissamut piariivinngilagut
Marsip 12-anni Inatsisartunut qinersisoqassappat Atassut tamakkiisumik piareersimanngilaq. Tamanna partiip siulittaasuata Gerhardt Petersenip nassuerutigaa
Marlunngornermi marsip 12-anni Inatsisartunut qinersisoqassappat Siumut Demokraatillu piareersimalluinnarnerartut, partii liberaliusoq Atassut taama piareersimatiginngilaq.
- Apriilimi kommunalbestyrelsinut qinersinissaq sammisimavarput taamaattumik Inatsisartunut qinersinissaq nalunaarutigineqassappat piareersimavinnata. Piareersimakannerpugulli. Inatsisartunut qinersinissamut qinigassanngortitassatta ilaasa akuersissutiginissaat amigaatigaarput, partiip siulittaasua Gerhardt Petersen oqarpoq.
Atuaruk "Marsip 12-anni qinersissaagut?"
Atuaruk ”Aleqa: Siumut qinersinissamut piareersimavoq”
Atuaruk ”Demokraatit: Qinersinissamut piareersimavugut”
Atuaruk ”Anthon: Qinersinissamut piariingajalerpugut”
- Atassummi tupaallaatigissavisiuk tusatsiakkat malillugit qinersinissaq marsip 12-anni pisussatut nalunaarutigineqarpat?
- Naamik, taamaattoqassappat sukkanerusumik suliinnassaagut, Gerhardt Petersen oqarpoq.