Atoqatigiinnikkut pinerluttartut amerlisut
2008-mi inuit 186-it atoqatigiinnikkut kanngunartuliorsimasutut pineqaatissinneqarput. 2001-imili kisitsit aatsaat taama amerlatigipput.
Annonse
Kisitsisit Kalaallit Nunaanni Naatsorsueqqissaartarfimmeersut tamanna ersersippaat.
Pinngitsaaliinerit, meeqqanik kinguaassiutitigut atoqatiginninnerit aamma kannguttaatsuliornerit kisitsini pineqarput.
Kisitsisit allanngorartorujussuupput. 2001-imi inuit atoqatigiinnikkut kannguttaatsuliorsimasut 192-it pineqaatissinneqarput, 2006-imili 101-inut ikilisimallutik.
2008-mi inuit katillugit 2.021-t pineqaatissinneqarlutik eqqartuunneqaput, siornarnit ikinnerulaarlutik, siorna 2.053-it pineqaatissinneqarmata.
2004-miilli inuit pineqaatissinneqartartut 1.900-t aamma 2.100-t akornanniittarput.