Atuagaq nutaaq: Kalaallit Nunaata isumannaatsuunissaa kinaassusialu
Atuagaq nutaaq ”Issittumi isumannaatsumi Kalaallit Nunaat"-mik qulequtalik Kalaallit Nunaanni eqqaanilu isumannaallisaanermut tunngasunik oqallinnernillu ataatsimut isigalugu saqqummiussivoq. Atuakkamik saqqummersitsinermut atatillugu internetikkut isumasioqatigiinnermut kikkut tamarmik peqataasinnaapput.
Atuakkami nutaami, naalagaaffiit pissaanilissuit Issittumi soqutigisaannik aammalu kalaallit kinaassutsiminnik siuarsaaniarlutik illersuiniarlutillu oqallinnerannik sammisaqarfiusumi, Forsvarsakademimi, Dansk Institut for Internationale Studierimi (DIIS) Københavnillu Universitetiani ilisimatusartut aaqqissuisuusimapput.
Internetikkut isumasioqatigiinnermi atuagaq saqqummiunneqarpat ilisimatusartut pingasut uku saqqummiutissavaat:
-Issittoq USA-p qanoq isumannaallisaanermut apeqqutinngortinneraa, nunat isumannaallisaanermut apeqqutitut isigisartakkavut Kalaallit Nunaata qanoq ililluni eqqissisimatinniarsarisimanerai kiisalu Kalaallit Nunaata nunanik soorlu Kinamik Ruslandimillu suleqateqarnera nunarsuarmi isumannaallisaanermut Issittup inissisimaneranut qanoq sunniuteqarnera ilaatigut eqqartussavavut.
Sara Olsvig Ilisimatusarfimmi ph.d.-nngorniarluni ilinniartutut aamma Inuit Circumpolar Councilimi nunani tamalaani siulittaasutut isumasioqatigiinnermi peqataassaaq. ”USA-p Kalaallit Nunaanni isumannaallisaanermik suliaqarnera” Sara Olsvigip sammissavaa, svenskillu misissueqqissaartartup Patrick Stig Anderssonip Kinap Kalaallit Nunaat qanoq qimanneraa oqaluuserissavaa.
Ataatsimeersuarneq, internetikkut malinnaaffigerusukkaanni peqataanissamik nalunaareerfiusussuaq, marsip arfineq-aappaanni nalunaaqutaq 11.00-miit nalunaaqutaq 12.30-p tungaanut ingerlanneqassaaq.
Pilersaarut tamaat uani takuneqarsinnaavoq, tassanilu aamma nalunaartoqarsinnaavoq.