Atuakkat tunisat aningaasartaat MIO-mut Nanu Børnimullu tunniunneqassasut
Tusagassiorfiup Sermitsiaq.AG-p decembarip qaammataata allartinnerani atuagaq assitalersugaq ”Nuummut nersorinnissut” saqqummiuppaa. Atuakkat sukkanerpaamik nungullugit tunineqarsimapput. Tamanna meeqqat pillugit suliniaqatigiiffinnut iluaqutaasimavoq.
![Atuakkat tunisat aningaasartaat MIO-mut Nanu Børnimullu tunniunneqassasut](https://image.sermitsiaq.ag/658104.webp?imageId=658104&width=960&height=518&format=jpg)
- Atuakkamik tunisaqarnerup 10 procentia MIO-mut Nanu Børnimullu tunissutiginiarlugu neriorsuutigisimavarput, suliniaqatigiiffiillu taakku marluk aningaasat 23.700 koruunit maanna avittussanngorpaat, tusagassiorfimmi Sermitisaq.AG-mi pisortaaneq Christian Schultz-Lorentzen oqarpoq.
- Pitsaasumik suliniartut qujaniarfigineqartarnissaat pingaaruteqarpoq - minnerunngitsumik namminneq piumassutsiminnik suliniuteqartartut - meeqqat arlaannik pissuteqartumik inuunerup taarnerusortaanut inississimasut pillugit assigiinngitsutigut ikiorsiissutissarsiortartut. Pingaartumik MIO ukiuni kingullerni meeqqat atugaannik aaqqiissutissarsiorluni ilungersuussilluartartumik siuttoqarsimavoq.
- Tamanna imaannaanngitsunik nukeqarluni pisarsimavoq. Nanu Børn illoqarfiit pingaarnersaanni suliniaqatigiiffiusoq, meeqqanut sumiginnakkanut ilaqutariinnullu ilungersunartorsiortunut ukiuni arlalini assigiinngissitsisarsimavoq. Nuullu pillugu atuakkap assitalersukkap, Nuummi pisimasut pillugit takussutissartallip toqqarneqarnissaa pissusissamisuuginnarsimalluni, Christian Schultz-Lorentzen oqarpoq.