Atuaqatigiit angusinngitsoortut ataatsimeeqatigiinnermut aallarniutaapput
Naalakkersuisutut akisussaasoq Nick Nielsen maanna ataatsimeeqatigiinnermut qaaqqusaavoq Savimminilerinermi ilinniarfimmi atuaqatigiit tamarmiusut angusinngitsoornerisa kingorna
Nuummi Savimminilerinermik ilinniarfimmi innaallerisserisunngorniat atuaqatigiit tamarmiullutik angusinngitsoornerat politikkikkut aalassassutaavoq.
Taamak Partii Inuit sinniisaat Randi Broberg ilisimatitsivoq, taanna Inatsisartuni Kultureqarnermut, Ilinniartitaanermut, Ilisimatusarnermut Ilageeqarnermullu ataatsimiititaliami siulittaasuuvoq.
Ilinniartitaanermut, Kultureqarnermut, Ilisimatusarnermut, Ilageeqarnermut, Naligiissitaanermullu Naalakkersuisoq Nick Nielsen, Siumut ataatsimeeqatiseraa, Savimminilerinermik Ilinniarfimmi ilinniartut soraarummeernerminni naammaginanngitsunik angusaqareerneri oqaluuserineqassapput, taakkua tusagassiivinnit eqqartorneqarput.
- Ilanngullugu Kultureqarnermut, Ilinniartitaanermut, Ilisimatusarnermut Ilageeqarnermullu ataatsimiititaliamit erseqqissaatigineqassaaq, meeqqat inuusuttuaqqallu inuiaqatigiinni eqqartorneqaleraangata aamma ilinniartitaanermi ajornartorsiortoqaleraanga, ataatsimiititaliamit piumassuseqartoqarmat suleqatigisat tamaasa peqatigalugit ajornartorsiutinit qaangiiniarnissamut, Randi Broberg erseqqissaavoq.