Atuarfiliornermi angusassat ilaat anguneqartoq: Meeqqerivik ammaanersiorneqarpoq
Nuup qeqqani meeqqerivissaq, "Naasut", 24. november atoqqaarfissiorneqarpoq. Meeqqerivik atuarfissamut nutaamut atasuussaaq.
Inissiarsuup Blok P inissisimaffigisimasaani ulluunerani paaqqinnittarfik ”Naasut” novembarip 24-anni ammaanersiorneqarpoq. Nuummi illoqarfiup qeqqani atuarfittaassap atulernissaanut anguniakkat siulliit taamaasillutik naammassineqarput.
Kommuneqarfik Sermersooq nittartakkamini taama allappoq.
Ulluunerani paaqqinnittarfik “Naasut” atoqqaarfissiortinneqarnerani kommunimit qaaqqusat, angajoqqaat meeqqallu peqataatinneqarput.
- Naasut isumaga malillugu tulluarnerusinnaanngilaq. Eqqatsinni naasut eqqarsaatigilaarsigit – ataasiakkaannguit tamarmik immikkut immikkuullarissuteqarlutillu immikkut kusanassuseqarput. Taamatut meerartavut isigisarpavut. Immikkut tamarmik immikkuullarissuupput, periarfissarpassuaqarlutik pinnissuseqarlutillu, namminiussutsiminnik, meeqqanut, ilaqutariinnut atuarfeqarnermullu ataatsimiititami siulittaasoq Poul Petersen ammaanersiornermi oqarpoq.
Inissaq toqqissisimanerlu
Atuarfittaassaq 1200-nik atuartoqartussaq aappaagu ukioq atuarfiusoq nutaaq aallartippat atulertussaavoq. Meeqqerivik ukiup affaa sioqqullugu taamaasilluni ammarpoq.
- Angajoqqaanut oqarusuppunga, meeqqassi toqqissisimanartumi asaneqarlutik ornissinnaasaat qanoq pingaaruteqartigisoq nalunngilarput. Naasut tassaassaaq meeqqassi asanninnermik, isumassorneqarnermik toqqissisimanartumilu ineriartorfigisinnaasaat, Poul Petersen oqarpoq.
Ulloq malunnartinniarlugu sulisut pisatsersuisimapput, aaqqissuussamilu aamma nipilersortoqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...