Atuarfinni ilinniartitsisut Coding Classimik atuartitsisinnaalersut

Meeqqat atuarfianni atuartut internetikkut programmiliorneq kodelerinermillu ilinniartariaqarpaat.

Tusass ukiuni sisamani kingullerni taamaaliorsimavoq, maannalu nunami meeqqat atuarfiini katillugit 89-inik programmiliornermik ilinniartitsisoqarpoq.

Atuartut ilinniartinneqarnerata atuarfinni atuutilersinneqarnissaanut piffissanngorpoq, taamaattumik Tusassip Kommune Qeqertalimmi misiliummik suliniummik suleqatiginninnera annertusineqarpoq. Suliniummi Tusassimit ilinniarnermut siunnersortip Coding Classimi atuartitsisup meeqqat atuarfianni ilinniartitsisoq kodelerinermik ilinniartippaa. Angusat atuarfeqarnermut ataqatigiissaarisup Nivikka Rosingip nuannaarutigai:

- Suleqatigiinneq piujuartitsisumik ineriartortitsinissamut pingaaruteqarluinnarpoq, meeqqallu atuarfiini teknologiikkut alloriartoqassappat, ilinniartitsisuni siulliusinnaaneq sungiussiassuserlu pisariaqartinneqarput.

- Ilinniartitsisut teknologiimut sapiissusermik ammanermillu takutitsippata, atuartut akornanni periarfissanik ineriartornissaanullu pilersitseqataasinnaavugut. Suliniutini siulliusinnaagutta, soorlu Kommune Qeqertalimmi Coding Classimut taamaaliortugut, siunissaq nukittooq atuartullu akornanni ilikkagaqarnermik ineriartornermillu angusaqarsinnaavugut, Nivikka Rosing oqarpoq.

Ilisimasat nutaat nutaaliussutaasinnaalersut

Monica Cortzen Lundblad, Qeqertarsuarmi atuarfimmi ilinniartitsisoq, programmiliornermik ilinniarsimavoq, maannalu atuarfimmi ilinniartitsinissamut piareerpoq.

- Coding Class ilinniartitsisutut ingerlassinnaalernerani atuartitsissutissamik atuartitsinissamullu isumassarsianik nutaanik sakkussanillu nutaanik pissarsineruvoq annertooq. Atuartunut Coding class ingerlannerani atuartunut killeqanngittumik eqqarsarsinnaanermik isumassarsiorsinnaanermillu periarfissamik annertuumik ammaassivoq, Monica Cortzen Lundblad oqarpoq nangillunilu:

- Isumaqarpungalu Coding class ingerlannera periuseq pitsaasuusoq, nunarsuatsinni sukkasuumik ineriartornermut malinnaassagutta meerartatsinnut periarfissanik ammaassissagatta digitalikkullu ineriartorneranut sukkasuumut malinnaatillugit.

Siammarneqarniartussaavoq

Tusass ilisimatitsivoq kommunit allat oqaloqatigineqassasut atuarfimmi ilinniartitsisunik ilinniartitsinissamut periarfissat pillugit.

Ilinniartitsinermut siunnersorti Nivi Thomassen Olsen oqarpoq misiliummik suliniut iluatsilluartoq, ilinniartitsisup ilisimasanik meeqqat atuarfianni atuartunut ingerlateqqitassaminik ilinniartitsinera ilungersunartuummat:

- Monica Cortzen Lundbladip pikkorissaannarsimanngilaq; Coding Classili kajumissuseqarluni tikilluaqqusimavaa, kodelerinerullu silarsuaanut nutaaliorfiusumut atuartut ammaannissaannut piareersimalluni. Kajumissuseqarnera nutaaliornissamut nukimik tunisisuuvoq, ilinniartitsisullu Monicatut ittut siunissamut, teknologiimik ilikkagaqarnermillu imalimmut ilusilersuinissamut pingaaruteqarluinnarput, Tusassimi Coding Classimi ilinniartitsinermut siunnersorti Nivi Thomassen Olsen oqarpoq.

Tusass maanna Coding Class Qeqertarsuup atuarfianut ingerlatitseqqinnera naammassivaa.