Atuartut nukissanik pissarsitinneqartut
Aalborgimi kalaaliaqqat atuartut arfinillit inoqatinik peqateqariaaseq nutaaq misilittarpaat, tassani pitsaasumik siunertaqarneq nukissanik tunisisarluni.
PALS - Positiv Adfærd i Læring og Sanvær - Ilinniarnermi peqatigiinnermilu ileqqut pitsaasut Aalborgimi Mellervangskolenimi ullumi atulersinneqarput, tassaniippullu kalaaliakkat arfinillit.
PALS tassaavoq ukiuni kingullerni marlussunni meeqqat, inersimasut, ilinniartitsisut, sunngiffimmi ornittakkanisulisut, allaffimmiut, eqqiaasut teknikkikkullu sulisut tamarmik pitsaasumik ileqqoqarnissaannik suliniut, maannakkullu atuartut akornanni atorneqalersussaq. Tamanna pivoq meeqqat 400 missaaniittut timersortarfimmi katersuutsinneqarnerisivut nuannersunngorlugulu PALS suunersoq nassuiaatigineqarluni.
PALS perorsaariaasiuvoq tunaartaqartoq, siunertaallunikikkut tamarmik ilinniartitsinermi peqatigiinnerminnilu pitsaasumik anersaaqarnissaat. Torersumik oqaloqatigiittoqassaaq,ilasseqatigiittarluni, akisussaassuseqarluni tamanullu ataqqinninnermik isumassuinermillu takutitsilluni. Atuarfimmi sumi tamani klassinilu ullup atuarfiusup naanerani nukissanik pissarsiat kisinneqassapput. Atuaqatigiit aalajangersimasumik amerlassusilinnik pissarsisimagaangata tamanna klassip akissarsitinneqarneranik kinguneqartassaaq atuartut suleqatigalugot, soorlu pinnguaat meeqqat nuannarisaat ingerlanneqarluni, imaluunniit pisuttuaqatigiittoqarluni, spillerluni allatulluunniit. Taamatut akissarsisitseriaaseq aamma atorneqassaaq meeqqat sunngiffimminni ornittagaani, tamannalu perorsaasut ingerlatissavaat.
PALS ukiuni kingullerni Danmarkimi, Norgemi USA-milu atuarfinni iluatsittumik ingerlanneqarpoq. Taamatut ingerlatsilernermi atuartut misigisarpaat atuarfik eqqissisimanerusoq pitsaanerusorlu aaqqiagiinngiffeqarpianngitsoq, minnerunngitsumillu ilikkarnarnerusoq, tamanut atuarfimmiittut meeqqanut inersimasunullu iluaqutaasumik.
PALS inuit kulturianni perorsaariaatsimut assingusupilussuuvpq, tassani meeqqat ileqqorikkaangamik angusaqarluaraangamillu utoqqarnit nersualaarneqartarlutik aqarneqarlutillu, imalunniit perngarnerit iliuuseqaqqaarnerillu pingaartinneqartarlutik.