Augusta taamaatippoq
Borgmesterit sisamat kommuninut qinersinissami qinigassanngortinnianngillat
Kalaallit Nunaanni inatsisartuni kommuninilu politikerit nuimanersaasa ilaat 53-inik ukiulik Augusta Salling, Atassut, politikkimiit aniartulerpoq -rallarpoq.
– Ukiuni 15-ini politikkimik sammisaqarsimavunga, maannalu nukiit suliassanut nutaanut pissanganartunullu atussallugit piffissanngorpoq, Augusta Salling oqarpoq.
Taamaattumik apriilip 8-nu kommuninut qinerisinissami qinigassanngortinnianngilaq, inatsisartunullu tullianik qinersinissamut qinigassanngorteqqinniarnani.
Augusta Salling 1993-imiilli Qeqertarsuarmi kommunalbestyrelsemi ilaasortaasimavoq, 1999-imilu Inatsisartunut qinigaalluni.
Augusta Salling 1993-97-imut borgmesteriusimavoq, Atassut partiimut siulittaasuusimalluni aammalu aningaasaqarnermut naalakkersuisuusimalluni.
Aamma borgmesterit Paamiuni Lars Sørensen, Maniitsumi Søren Lyberth aamma Uummannami Jens-Lars Fleischer apriilip 8-ni kommuninut qinersinissami qinigassanngortinnianngillat.
Sermitsiami aamma atuakkit.