Avannata kitaani imartat asseqalersut
Geodatastyrelsip Kalaallit Nunaanni sumiiffinni assigiinnitsuni immap assinginik suliaqarneq naammassisimavaa. Assiliornerit Bluejay Mining suleqatigalugu suliarineqarsimapput, nunallu avannaata kitaani Pifuffiup eqqaaniittut assiliorneqarsimallutik.
Kalaallit Nunaata avannamut kitaaniittumi Pituffiup eqqannguaniittumi Uummannami aatsitassarsiornerup aallartisarneqarneranut atatillugu, Geodatastyrelsenimi Søkortkontoret Bleujau Minig Plc. suleqateqatigalugu imartat tallimanut nutaanik assiliorneqarsimapput.
Aatsitassarsiorfiup eqqaannitumi sineriak assiliorneqarsimavoq, suliniummullu tamanna pingaaruteqarluinnartoq, tusagassiorfinnut nalunaaruteqarnermi oqaatigineqarpoq.
- Avannaata kitaani nutaanik suliaqarnermut atatillugu isumannaatsumik angalasoqartarnissaanut suliaqaqataasimanerput nuannaarutigaarput. Tamatuma aamma takutippaa, Geodatastyrelseip nutaamik sanaartoriaaseqarnikkut nukittullunilu pissutsinut nalimmassarsinnaassuseqarnera, tassa immap assinginik pappialatigut sanaartortarnermut piffissami sivisunerusumik ingerlanneqartartumut sanilliullugu digital aqqutigalugu sukkanerusumik immap assinginik sanaartorsinnaaneq ukkatarisimavarput, Elizaberth Hagemanna Geodatastyrelseimi Søkortokontoretsip pisortaa oqarpoq.
Assit suliarineqarsimasut taakku tallimat Danmarkimit naalakkersuisut Kalaallillu Nunaanni Namminersorlutik Oqartussat suleqatigiinnissamik isumaqatigiissuteqarsimanerisigut sananeqarsimapput, isumaqatigiissut naapertorlugu 2016-p naanerani Kalaallit Nunaata kujataata imartaani assit 73-it tunniunneqartussaapput.
Allamut nuuttoqarsimanera pissutaallu isumaqatigiissut kinguaattoorfiusimasoq
2009-mi avatangiisinut ministeriusoq Troels Lund Poulsen (V) Namminersorlutillu Oqartussat aallaqqaammut isumaqatigiissusiorsimapput. Taamanikkut isumaqatigiissutigineqarluni, Kalaallit Nunaata kujataani imartat 2018-ip naannginnerani assiliorneqassasut.
Naalagaaffiulli Geodatastyrelsenimik Aalborgimut 2016-imi nuussineratigut , sulisut immikkut ilinniagartuut suliffimminni soraarsimapput. Tamatuma malitsigisaanik Kalaallit Nunaanni imartat assiginik tunniussinissaq, aallaqqaammut isumaqatigiissutaasumut sanilliullugu ukiuni arfineq-pingasunik kinguaattoorfiussasoq naatsorsuutigineqarsimalluni.
-Immikkut ittumik tunniussinissaq suleqatigiinnissamik isumaqatigiissummut sunniuteqassanngilaq, pilersaarutaavorlu immap assingi arfinillit ukiup matuma ingerlanerani tunniunneqassasut. Gedatastyrelsenimit naatsorsuutigineqarpoq, siunissami taamatut ittunik amerlanerusunik inniminniisoqartarumaartoq.