Aviaja Ågelu politiinit nersorneqartut

Aviaja Lange Nuummi politiit pigaartuini sulisoq aamma politiassistent Åge Eliassen Narsameersoq Kalaallit Nunaata Politiivinit tallimanngormat nersorneqarput. Taakkumi marluullutik pisumi imaannaanngitsumi ikioqatigiillutik annaassisimapput.

Aviaja Lange 29. august 2021 unnuaani pigaartuniitsilluni angut sianerpoq oqaluttuarlunilu umiatsiaminiit nakkarsimalluni.

Angut Aviaja Langemut oqaluttuarpoq niuni aquuteralammut kiggigutsittoorsimallugit, niuli ikeqartut.

- Aviajap telefonikkut tarnikkut ikiueqqaarnerani Åge umiatsiaaqqamik angummik ikiuiartorpoq. Inuunermut navianartumik kilertiternerit Ågep unitsissinnaasimavai umiarsualivimmullu pinissamik tungaanut angut eqqumatiinnavissimallugu, politiit facebookiminni allapput.

- Angut annappoq, oqaluttuaraalu tarnikkut ikiueqqaarnerup uumatissimagaani. Aviaja Ågelu immikkut illuinnartumik iliuuseqarput, taamaattumillu nersorniarlugit ullumi akissarsisinneqarput annertuumillu iliuuseqarnerannut qutsavigineqarlutik.