Aviisit soraarsitsipput
Sermitsiaq aamma AG sapaatip akunnerani uani sipaarniarnerit pissutigalugit soraarsitsipput.
Sulisut pingasut tallimanngornermi Sermitsiamit soraarsitaapput. Sooraarsitsisoqanngitsoq suli tusagassiornermik atorfiit marluk inuttaleqqinnikuunngillat. Soraarsitsineq tunngaveqarpoq aviisip aningaasatigut unamminartorsiorneranik.
Aaqqissuisut pisortaanerat Poul Krarup naqissusiivoq, illup avataanit pisunit pinngitsaalisaallutik pineqartunik pisortat inuulluaqqusisariaqartut.
– Pisortat ingerlatsinerisa kingunerisaanik taamaasiortariaqarpugut. Pisortat politikkertik qularutiginngivillugu nunatsinnit suliffiit akileraarnikkullu isertittakkat aniatippaat, Poul Krarup oqarpoq aviisit aningaasatigut isaatitaasa appariaataat innersuussutigalugu, Namminersorlutik Oqartussat kommunillu kalaallit aviisiini sulisussarsiorlutik ussassaarineq unitsinnikuummassuk.
Tamatuma saniatigut nassiussinermi akikillisaammik aappaagumiit atorunnaarsitsinissaq, aviisit aningaasarsiaannut 1,7 million koruuninik appariaataassaaq.
AG-mi sulisut pingasut affarlu aamma soraarsinneqarput, qaammatip siuliani sulisut pingasut allat soraarsitaasut saniatigut.