Bagger: Alianartumik pisoqarnera stressertitsilerpoq
Ane Lone Baggerip ilaqutaani alianartumik pisoqarsimanera, politikkerimut nuimasumut ima artornarsimatigaaq - nammineq maluginngisaminik - allaat stressilersimalluni
Naalakkersuisoq Siumumeersoq Ane lone Bagger martsip aqqanq-aappaani Ilulissanukapallattariaqarsimavoq, stressernini pissutigalugu ulluni 14-ini napparsimalluni sulinngiffeqariartorluni. Aviisi AG allappoq.
Naalakkersuisutut suliassani suliarisarsimavai stresserluni ilisimanagu.
Suleqataasa qaninnerit napparsimasoq malugisimavaat, qullersaminnullu Ane Lone Baggerimik ernumassuteqarnertik oqaatigisimallugu. Nappaatip malunniutai nammineerluni malugisimanngilai.
Oqaloqatigineqarnissamut aggersarneqarsimasoq
Martsip aallartilaarnerani Naalakkersuisut Siulittaasuata Naalakkersuisoqarfiani pisortamit oqaloqatigineqarumasimavoq. Tamanna pisimavoq Kim Kielsenip kaammattuineratigut.
- Oqaloqatigiinnissami pingaarnertut oqaluuserineqarniartoq, uanga inuttut qanoq inninnut tunngassuteqartoq paasingakku tupaallassimavunga, Ane Lone Bagger oqarpoq, nangillunilu:
- Suleqatimma qaninnerit aamma Ilinniartitaanermut Naalakkersuisoqarfimmi sulisut, kiisalu Siumumi parteeqatimma ilaasa, ilaannikkut ullup qeeqqasioqatigisartakkamma pissuserisartakkakka allanngorsimasut maluginiarsimavaat.
- Stresserlunga nammineq malugisimanngilara. kingumulli qiviarlunga takusinnaavara stressip malunniutai atorsimallugit, tanna oqarpoq.
Ilanngutassiaq tamaat AG-mi atuarfuk - ugguuna iserfigisinnaavat: