Bardot: Savalimmiormiut soqqusaatsuupput
Siullermik puisit maannalu niisarnat. Brigit Bardot akerliussutsimik takutitsinermik aaqqissuussisuuvoq, ippassaq arferup piaraanik toqusimasumik qallunaat Parisimi aallartitaqarfiannut tunniussiniartunik.
Annonse
Akerliussutsimik takutitsisut 200-t ullumi arferup piaraa toqungasoq Danmarkip Parisimi aallartitaqarfianut tunniunniarsaraat Savalimmiuni niisarnanik toqoraanermut akerliuniutitut.
Brigit Bardot Saint Tropez-imit telefonikkut oqarpoq savalimmiormiut soqqusaatsuusut toqutsinissaminnut nangaassuteqanngitsut. Paul Watsonip, 1972-imi Greenpeacemik tunngavileeqataasup, aasaq manna niisarnanik toqoraaneq filmiliarisimavaa arferlu toqungasoq angerlaassimallugu.
Taamatut ippassaq nalunaaqutaq 18.00 paasissutissiivoq DR.dk/p1-ip radioaviisia.