KL

DK

Ilulissat

Biilerluni aporeerluni qimaasoq

Napparut qullilerfik Ilulissani taarserneqartussanngorpoq ukiortaap ullaavani biilimit aporneqareerluni

Ilulissani politiit oqaatigisinnaanngikkallarpaat ukiortaap ullaavani biilerluni napparummut aportoq imigassartorsimanersoq
Noah Mølgaard
Published

Inuinnaat biiliat Ilulissani napparummut ukiortaap ullaavani atorpoq, qujanartumilli ajutoornermi inunnik ajoqusertoqanngilaq. Biilli siornga imilluterujussuarpoq napparullu taarserneqartariaqarluni.

Suli ilisimaneqanngilaq biilimik ingerlatitsisoq imigassartorsimanersoq ukiortaami ullaaralaakku Illumiut aqqutaanni ajutoormat.

- Apuukkatta biili qimanneqareersimavoq. Takusinnaasagut malillugit aamma inunnik ajoqusertoqarsimarpasinngilaq, Ilulissani politeeq Peter Kristoffersen Sermitsiaq.AG-mut oqarpoq.

Biilili ima sukkasimatigaaq napparut saviminermik sanaajusoq najunngarsimalluni taamalu taarserneqartariaqalerluni. Pisimasoq politiit suli paasiniarpaat ukiortaallu ullaavani biilimik ingerlatitsisuusoq suli paaserusullugu.

politiit inuiagatigiit
Powered by Labrador CMS