Biilertoq politiinit malersorneqartoq
Unnuaq biilertoq qulleq aappalaartuusoq ingerlaannarpoq politiit biiliata saannguani. Biilertoq qimaavoq politiilli biiliinit pingasunit unguneqarami tunniutiinnarpoq
Annonse
Unnunaq biilertoq Nuummi Kongevej-ip Aqqusinersuullu naapiffianni qulleq aappalaartuusoq ingerlaannarpoq. Tamanna pivoq politiit biiliata saannguani, politiillu paapoorlutik Kongevej-ikkut malersulerpaat.
Politiit biilii amerlanerusut malersuilermata biilertoq Kirkevej-imut sanguvoq tassanilu arpaannaq Ceresvejip tungaanut qimaalluni. Unnuaq pisoqarfiusimanngimmat politiit biilertoq malersorpaat qimaammallu aamma malersorlugu. Taamaasilluni unguneqarpoq tigusarineqarlunilu.