Biili kussinermut
Angut aalakoortoq arfininngormat unnuakkut biilini Qinngorput tungaanut aqqummi kussinermut nakkarmat qimaavoq.
Annonse
Angut nakkarfimmiit qimaasoq kingusinnerusukkut takunnissimasut politiillu qimmiat ikiortigalugit nassaarineqarpoq. Angut taanna imigassartorsimalluni biilersimasutut unnerluutigineqassaaq, taamalu biilimik ingrelatsitsisinnaanermut allagartaajagaanissanik naatsorsuutigisinnaallugu, politeeqarfimmi pisortaq John Thorsen ilisimatitsivoq.
Nuummi sapaatip akunnerata naanerani qaangiuttumi angerlarsimaffimmi eqqissiviilliornerit 13-iusimapput. Taakkunannga pingasuni meerartaqarsimavoq. Aalakoortut arfinillit angerlaattariaqarsimapput tallimallu pisiniarfimmi tillinniarsimallutik tigusaallutik. Aalakoortut imigassamillu aalakoornartulimmik imertut amerlasuut illoqarfiup qeqqaniit Pisiffik Nuussuullu eqqaani peersinneqartariaqarsimallutik.