Biilinik quaalluni innakkut 40 meterisut portussusilikkut nakkartoq
Angut inuusuttoq weekendimi Ilulissani kisimiilluni ajutoornerminit aniguivoq, angut biilinik quaappoq innakkullu nakkarluni, biiliniitilluni 40 meterit missaannik portussusilikkut sikumut nakkarpoq.
Angut inuusuttoq weekendimi biilinik kisimiilluni ajutoornermini iluatsitsilluinnarluni aniguivoq.
Mittarfimmut Aqqutaani pisumi ajutoortoqarnera pillugu arfininngornermi ullaakkut nal. 05.46 Kalaallit Nunaanni Politiit nalunaarfigineqarput, pigaartut pisortaat Thomas Ottesen, Sermitsiaq.AG-mut oqaluttuarpoq.
Angutip inuusuttup quaalluni ajutoornermini biilini sangutinneq ajulerpaa, aqqusinermiillu sisuvoq.
Biili aqqusinermit sisummat innakkut 40 meterit missaannik portussusilikkut nakkarluni sikumut tuppoq:
Aqqusineq matuneqartoq
- Qujanartumik biili sikumit nakkanngilaq, angullu inuusuttoq ajunnginnami biilinit nammineq anisinnaasimavoq napparsimmaviliaanneqarlunilu, Thomas Ottesen oqarpoq.
Angut inuusuttoq ajorani qaangiisoq, biililli aserorput.
Politiit Mittarfimmut Aqqutaa arfininngornermi ullaakkut ajutoortoqareersorlu, kranimut biilimik aserorsimaqisumut sikumit kivitsisinnaasumut inissaqartitsiumallutik matugallarpaat.
- Biilit soorunami aserorput, kisianni angut inuusuttoq annerusumik ajoquteqanngilaq, pigaartut pisortaat oqarpoq.