Biilinik tunisineq siorna annertuserujussuarpoq
Kalaallit Nunaanni aqqusinerni asfaltilersukkani inissakilliorneq annertuseriarpoq. 2018-ip ingerlanerani biilit usisaatillit hunnorujulikkaat nutaat tikisinneqarsimapput.
Annonse
Ukiup nikinnerani biilit Kalaallit Nunaanni 5.025-iupput, ukiup siulianut sanilliullugu 445-nik amerlanerullutik, 9,7 procentinik qaffariaateqarlutik.
Naatsorsueqqissaartarfimmit kisitsisit nutaat tamanna takutippaat, taakku Akileraartarnermut Aqutsisoqarfimmit naatsorsuinerninngaanneerput.
Agguataarnerat
Biilit nammineq pigineqartut 3.238-upput, inuussutissarsiornermullu nalunaarsorneqarsimasut 1.787-iullutik.
Biilit usisaatillit aamma amerleriarput, kisianni taama annertugitinngitsumik: 1,4 procentinik, taakkulu ukiup nikinnerani 1.540-upput.