Biilit imaanut assakaasut
Biilit Nuup talittarfiani pingasunngornermi imaanut assakaapput. Qatserisartut politiillu ajutoorfimmiipput, biilillu lastbiilinit maanna amuneqarlutik.
Biilit qaqortut Nuummi talittarfitoqqap eqqaani assakaallutik imaanut nakkarmata, saneqquasut tupassimassapput.
Kalaallit Nunaata Politiivini pigaartut pisortaat, Mark Larsen Sermitsiaq.AG-mut ilisimatitsivoq biilit imaanut nakkartut nal. 12.35 missaani nalunaarutigineqarsimasut.
- Qatserisartut peqatigalugit maanna talittarfimmiippugut. Susoqarsimanersoq soorunami paasiniassavarput, ilisimatitsivoq.
Biilit inuttaqarsimanngitsut
Biilit lastbilinit nal. 13.00 missaani qaqinneqarput. Kalaallit Nunaata Politiivisa paasissutissaataat naapertorlugit biilit imaanut assakaangamik inuttaqarsimanngillat.
- Susoqarsimanersoq soorunami paasiniassavarput. Kukkuluttornerulli kinguneranik ajutoornerusimassasoq ilimanarpoq, tassa aquttup håndbremse aaqqinngitsoorsimasinnaagaa, imaluunniit biilit ajoquteqarsimasunik håndbremse atorsinnaasimanngitsoq, Mark Larsen oqaluttuarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...