Biilit innaallagiatortut ikuallajasut
Biilit innaallagiatortut ikuallappata tamanna ilungersunartuuvoq. Maanna Nunatsinni Upalungaarsimasut pissutsinut nutaarluinnarnut piareersarput, biilit innaallagiatortut amerligaluttuinnartut nunatsinni atorneqartalermata.
Biili innaallagiatortoq ikuallattoq qatserisartunut unammilligassarujussuuvoq. Tamanna Danmarkimi Norgemilu misiittakkat takutippaat. Taamaattumik nunatsinni upalungaarsimasut pissutsit iliuuseqarfiginissaat sulissutigaat, biilit innaallagiatortut Kalaallit Nunaanni nuannarineqaleraluttuinnarnerat ilutigalugu ikuallattarnerat sukkasuumik ajornartorsiutaalersinnaammat.
Aviisi Sermitsiaq taama allappoq.
Biilit innaallagiatortut batteriivii ikuallalerppata taanna kissarnerujussuarmik pilersitsissaaq, qatserutinik nalinginnaasunik ilisimaneqartunik qaminneqarsinnaanngitsumik. Tamatuma saniatigut ikuallanneq putsumik toqunartorujussuarmik pilersitsissaaq imerlu qatserutaasoq avatangiisinut ulorianartorsiortitsisinnaavoq. Taamatut Danmarkimi Beredskabsstyrelsen paasissutissiivoq, taannalu biilit innaallagiatortut qanoq qaminneqarnissaannik najoqqutassamik imaqarluartumik saqqummersitseqqammerpoq.
Pissutsit nutaat
- Ajornartorsiut Kalaallit Nunaanni sukkasuumik unammilligassanngorsinnaavoq. Taamaattumik pissutsinut nutaarluinnarnut piareersaleruttorpugut, Qeqqata Kommuniani upalungaarsimanermut pisortaq, Nunatsinnilu Upalungaarsimasut peqatigiiffianni siulittaasoq, Ole Kreutzmann aviisimut Sermitsiamut paasisutissiivoq.
Aviisimi Sermitsiami atuarnerusinnaavutit. Aviisi uani pissarsiariuk: