Biilit suli amerliartortuartut
2022-mi biilit nalunaarsukkat 392-inik amerlisimapput, maannalu 6.000-it sinnerlugit amerlassuseqalersimallutik.
Nunami maani biilit amerliartortuarsinnartut, Naatsorsueqqissaartarfiup kisitsisaataasa nutaat takutippaat.
Ukioq manna januaarip aallaqqaataani biilit nalunaarsorneqarsimasut 6.224-upput, tassa biilit ukiup siulianut sanilliullugu 6,7 pct.-imik imaluunniit 392-inik amerlisimapput.
Biilit usisaatillit aamma amerlanerulersimapput, imatorsuunngitsorli. Biilit usisaatillit 2022-mi januaarip aallaqqaataani nalunaarsorneqarsimasut katillutik 1.679-iupput.
- Biilit usisaatillit taamaalillutik ukiup siulianut sanilliullugu 4,3 pct.-imik amerlisimallutik, Naatsorsueqqissaartarfik allappoq.
Biilit innaallagiaq tamakkiisumik atorlugu aamma innaallagiaq tapiliussatut atorlugu ingerlatillit 2021-p ingerlanerani aamma amerleriangaatsiarsimapput. Tassa 977-iniit 1.466-inut amerlisimagamik. Takussutissami tulliuttumi kisitsisit Kalaallit Nunaanni Politiininngaanneersuupput, takussutissami siulianiittutut akileraartarnermut aqutsisoqarfimmeeratik.
- 2021 sioqqullugu innaallagiamik ingerlatillit aamma innaallagiaq tapiliullugu ingerlasartut (hybridbiilit) tamarmik innaallagiamik ingerlasartutut nalunaarutigineqartarsimapput, Naatsorsueqqissaartarfik allappoq.