Biilit usisaatillit amerlerujussuarsimapput
Biilit inunnik assartuutit nalunaarsukkat amerliartorusaaginnartut, biilit usisaatillit 2017-imut sanilliullugu 11,9 procentimik amerlisimallutik.
2018-imi januaarip aallaqqaataani qamutit motoorillit 9.463-t nummerpladillit nalunaarsugaapput. Taakkunannga 9.189-it motooriliupput, 274-illu kalitaallutik.
Naatsorsueqqissaartarfimmit tusagassiuutinut nalunaarummi tamanna atuarneqarsinnaavoq.
Biilit inunnik assartuutit 73-nik amerleriartut
2018-imi januaarip aallaqqaataani biilit 4.580 nalunaarsugaasimapput. Ukiup ataatsip ingerlanerani 1,6 procentimik imaluunniit 73-inik biilit inunnik assartuutit amerlisimapput.
2018-imi januaarip aallaqqaataani biilit usisaatillit 1.519 it nalunaarsugaasimapput ukiup siulianut sanilliullugu 11,9 procentimik amerlisimallutik.
Biilit inunnik assartuutit amerliartorusaaginnartut
Ukiut ingerlaneranni biilit inunnik assartuutit amerlatsikkiartuaarsimapput. 2018-imi januaarip aallaqqaataani biilit 4.580-iusimapput taakkunannga 2.905-it inunnit pigineqartut, 1.675-illu inuussutissarsiortunit pigineqartutut nalunaarutigineqarsimallutik.
2013-imi nummerpladellit nalunaartussanngortitaanerisa kingorna qamutit motoorillit inuinnarnit pigineqartut amerlatserujussuarput. Qamutit motoorillit allat aamma qamutit motoorillit ilaapput biilit inunnit pigineqartut titarnermut tassunga ilanngunneqanngillat.
Politiit kisitsisitigut paasissutissaataat malillugu 2017-imi qamutit motoorillit 2.624-t nalunaarsorneqarsimapput. 2016-imut sanilliullugu 5,9 pct.-imik qaffasinneruvoq, 2012-imut sanilliullugu quleriaat sinnerlugu amerlanerupput, taamani qamutit motoorillit 262-it nalunaarsorneqarsimapput.
- 2013-imi qamutit motoorillit amerlatserujussuarnerannut pissutaavoq maskiinat entreprenørit atortagaat, qamutit kalitat, lastbiilit kalitaat, traktorit il. il. nummerpladeqartussanngortitaanerat nalunaarutigineqartussanngortitaanerallu. 2002-mi, 2013-2016-imi nutaatut nalunaarutigineqarsimasut kisitsisaat immikkuullarissut Kalaallit Nunaanni Politiinit akuerineqarput.
Angallatit motoorillit allat
Nalunaartussaatitaasut saniatigut qamutit motoorillit nalunaarsuiffiannut nalunaartussaatitaanngitsut ilaapput. Tassaapput qamutit motoorillit ungalusani inunnit orninneqarsinnaanngitsuni imalluunniit qeqertani avinngarusimasuni atorneqartut.