Birna Brjánsdóttir
Birnap angutaa: Kalaallit ikinngutigaagut
Kalaaleq ataaseq paniminik toqutsisimasutut pasineqarnera pissutigalugu, nuna tamakkerlugu Islandimiut pisuutissanngikkaat, Birna Brjánsdóttirip angutaa kajumissaarivoq.
Birna Brjánsdóttirip angutaa, Brjánn Guðjónsson, aliasunnermi nalaani isummiussereertarnermut aarlerisaarinissamut nukissaqarpoq.
- Inuup ataatsip iliuuserisimasai pillugit nuna tamakkerlugu pisuutitsineq assuaraara. Kalaallit ikinngutigaagut, ikinngutigiinnerlu tamanna nukittorsassavarput illuanik pinnata, taanna Facebookimi allappoq.
Atuaruk: Eqqaaniaanermi tuusintilikkuutaat peqataapput
Arnaq Islandimiikkusukkunnaartoq
Nittartakkami tusagassiorfimmi oqaluttuarineqartoq nútíminnimi, taassuma qisuariarfigaa, tassani arnap Islandimiup kalaallimik arnamik suaartarfigineqarsimasumik naapitsinerminik oqaluttuarpoq.
Taanna allalu arnaq pisiniartillutik suaartarfigineqarsimasut oqaluttuarpoq.
Taannalu oqaluttuaq Brjánn Guðjónssonip qisuariarfigaa.
Siornatigut kilisaammi Regina C-mi inuttat Reykjavikimi uumisaarneqarsimasut oqaluttuarineqarnikuupput, umiarsuulli naalagaata oqaluttuarnerit ingattarserluni saqqummiunneqarsimasut oqaatigai.