Borgmesteri Ane Hansen: Kangaatsiaq atuarfimmik nutaamik sanaartorfigineqarnissaanit salloqittangaavoq
Atuarfik pisoqalilluni oquttoq akerleralugu angajoqqaat aasaq atuariartortitsiumajunnaarput. Inatsisartunit atuarfissamut aningaasaliisoqassasoq aalajangertoqarpoq, aningaasanulli inatsimmit maanna peerneqarput.
Kommune Qeqertalimmi kommunalbestyrelsep Kangaatsimi nutaamik atuarfiliornissamut 2019-imut missingersuutini ukiunullu tulliuttunut missiliuutissani aningaasat 56 millionit koruunit ukiuni immikkoortippai.
Kommune Qeqertalik taamaasilluni kommuninit allanit siullerpaalluni nammineq aningaasalersukkaminik atuarfiliortussanngorunarpoq. mannami tikillugu atuarfiliornerit Namminersorlutik oqartussanit isumagineqartaraluarput. Borgmesterip Ane Hansenip Namminersorlutik Oqartussat atuarfiliorniarnermi pissuserineqartoq iluarinngilluinnarpaa, inatsisartummi aningaasanut inatsimmi 2018-imi atuarfiliornissamut aningaasanik immikkoortitereernikuungaluarmata.
Atuarfik nutaaq isumaqatigiissutaasoq
- Tassa tamanna pillugu siorna isumaqatigiissutaanikuugaluarami, taavalu kalerrinneqarluta imannak, aningaasanut inatsimmit atuarfik nutaaq tamakkiisumik akilerneqassasoq. Aasaq paasivarput taamaattoqanngitsoq, taamaattorli atuarfitoqaq taanna nutaannginnerpaaq oquttorujussuaq atorsinnaanngittoq piiariarlugu klasseværelsenik sisamanik sananiartut. Kommune Qeqertalimmiit atuarfik nutaaq siunniutereernikuugatsigut kommunemilu pilersaarummi siunniutereernikuugatsigut, anguniarsaringaluarparput neriorsuutimittut naammassissangaat. Kisianni tassa taamaallaat aningaasalerusukkamikku klasseværelset sisamat, borgmesteri Ane Hansen (IA) oqarpoq.
Namminersorlutillu Oqartussaniillu iliuuserineqartoq kanngunarnerarlugu uparuarpaa, klassenullu sisamanut aningaasaliissutaasut nuunneqarnissaat maanna anguniaraluarlugu.
Allaaserisaq tamaat Sermitsiami atuaruk – uani ataani aviisimut isissutissarsigit: