Borgmesteri Siumumeersoq: Aleqa, isummat allanngortiguk
Borgmesterip Siumumeersup Hermann Berthelsenip Inatsisartuni pingaarluinnartumik oqallinnissaq sioqqullugu partiip siulittaasua Aleqa Hammond kajumissaarpaa suliniutinut angisuunut atatillugu isummani allanngorteqqullugu
Suliniussuit eqqarsaatigalugit isiginninneq assigiinngitsorujussuuvoq, parteeqatigiittoqaraluartoq.
Sisimiuni borgmesterip Siumumeersup Hermann Berthelsenip partiip siulittaasua Aleqa Hammond isumaqatiginngilluinnarpaa, ukiaq manna ataatsimiinnermi suliniussuit, soorlu Maniitsumi aluminiumik aatsitsivik, Inatsisartuni oqallisigineqarneranni.
Borgmesterip Hermann Berthelsenip inatsisip aappassaaneernissaa sioqqullugu erseqqissarpa suli neriuutigalugu Siumut Inatsisartuni gruppiata isummani allanngortissagaa, taamaasilluni partiit tamarmiullutik isumaqatigiissuteqaqqullugit, aammalu siuarsaasoqarniassammat, Alcoap suliniutaata piviusunngortinnissaanik pilersaarutit eqqarsaatigalugit.
Allaaserisaq tamaat uani sapaatit akunnerani Sermitsiami atuaruk, aviisilu uani quppernermi pisiarisinnaavat.