Champagne uku ukiutoqqami skålerutigikkit
Ukiutoqaq immikkuullarissuuvoq. Sumiiffinni arlalinni champagne simeerlugu ukioq nutaaq nalliuttorsiutigineqartarpoq.
Pisiffimmi, Brugsenimi aamma Vinslottetimi viinninik ilisimasallit champagnenik siunnersuuteqartinniarlugit Sermitsiaq.AG apersuisimavoq.
Pisiffik
- Ukiutoqarnissaata tungaanut champagnet 25 procentimik neqeroorutigissavagut, Nuuk Centerimi Pisiffimmi viinneerniaq John Ove Hoffer, moscato aappaluttoq qaamasoq ukiutoqarnissaanullu champagnemik toqqaasimasoq, oqaluttuarpoq.
Villa Jolanda, Moscato Rose
- Una Moscato Rosé Asti-mut taarsiutigalugu pitsaalluinnartuuvoq. Mamarluinnartuuvoq. Taanna tikilluaqqussutitut, sikumut kinguleqqatut, naatitanut sukkulaatinullu soorunalimi aamma kransekagenut tulluartuuvoq.
Naliginnaasumik akia kr.: 119,95 Neqeroorut kr.: 69,-
Mumm - Demi-Sec
Mumm tassaavoq ukiuni arlallinni Formel 1-mut aamma Le Mans-imut tunniunneqartarsimasoq. Mumm mamarluinnartumik Demi Sec-imik viinniliorsimavoq, taanna tunguarnilaarpoq kransekagemullu naleqqulluartuulluni, taamaammallu ukiutoqqami skålerutigissallugu tulluartuuvoq.
Naliginnaasumik akia kr.: 399,95 Neqeroorut kr.: 299,-
Vinslottet
Vinslottetiminngaanneersoq Danni Linnau Dahl champagnenik nuannarisaqarluartuuvoq, ukiutoqqamilu champagnemik mamarluinnartumik skålertoqarnissaa qularutiginngilluinnarpaa.
De Venoge Brut
Nunat tamalaat akornanni viinninik misileraasoqarnerani angusarissaartuaannartoq – ilaatigut Wine Spectatorimi aamma 91 pointinnassimasoq International Wine Challengemilu kuultinnassimasoq. Annikitsuaqqamik qapuliortarpoq mamarluinnartuullunilu. Taanna 50 % Pinot Noirimit, 25 % Pinot Meunierimit kiisalu 25 % Chardonnayimit sanaajuvoq. Pitsaanerusumik sassaallertoqarsinnaanngilaq.
Naliginnaasumik akia kr.: 400.- Neqeroorut kr.: 325.-
De Venoge Princes Blanc de Noirs
Premier Crumi aamma Grand Crumi narsaatinit taamaalaallat pinot noir atorlugit sanaajuvoq. Champagne pitsaalluinnartuuvoq mamarluinnartuullunilu.
Naliginnaasumik akia kr.: 750,- Neqeroorut kr.: 650,-
Brugseni
Brugsenimi pisortap tullersortaa Kristian Pedersen pisiniarfinni arlalinnik ukiotoqqap tungaanut neqeroorutigineqartussanik toqqartuisimavoq, ilaatigut imigassartaqanngitsut marluk 25 koruuninik aamma 39 koruuninik akillik. Kristian Pedersenip ukiutoqarnissaanut champagne mamarluinnartoq cavalu innersuussutigai:
Dom Perignon 2006
Dom Pérignon Champagne immikkuullarilluinnartuuvoq mamarluinnartuullunilu. Ukiutoqarnissaanullu skålerutissatut immikkuullarilluinnartuulluni.
Naliginnaasumik akia kr.: 1199,- Neqeroorut kr.: 995,-
Gran Baron
Gran Baron skålerutigissallugu mamarluinnartuuvoq akikitsuaraallunilu.
Naliginnaasumik akia kr.: 129,- Neqeroorut kr.: 89,-