tv-iikkut aallakaatitassiaq
Christian Degn: Hammerslagip Kalaallit Nunaaliarnissaanut piffissanngorsimavoq
DR1-ip aallakaatittagaanit nuannarineqarluartumit qallunaat Kalaallit Nunaanni qanoq najugaqartoqartarneranik takutikkusunneqarput
DR1-imi aallakaatitassiaq nuannarineqarluartoq Hammerslag sapaatip-akunneri tamaasa Danmarkimi aallakaatitassiat nuannarineqarnerpaat qulit akornanniittuartoq sapaatip-akunnerani matumani nunatsinniippoq Nuummi Ilulissanilu inissiat tuniniarneqartut sisamat pillugit immiussiartorluni.
Aallakaatitassiami aqutsisup Christian Degnip Kalaallit Nunaat nuannareqaa kalaallillu qanoq najugaqarnerata qallunaaqatiminut takutinnissaa qilanaaralugu.
- Aallakaatitassiaq Hammerslag ukiunik 25-leeqqammerpoq, taamaattumillu Kalaallit Nunaannukarnissatsinnut piffissanngorsimalluni. Qallunaarpassuit isumaqartarput kalaallit illutoqqani issumik qalialinni najugaqartut.
- Kalaallit Nunaannit aallakaatitassiat isiginnaaraangatsigik ajoraluartumik taamaallaat inuit kalaallisoorlutik kalattoortut takusarpavut, imaluunniit dronningi tikeraartoq. Nuummi Saqqarlerni illu nutaaliaalluinnartoq takugunikku qallunaarpassuit eqqarsassagunarput: 'Kakkaak, soorlu Danmarkimi'. Aallakaatitassiaq torrassuussasoq qularinngilara, takutinnissaanullu qilanaartorujussuuvunga, Christian Degn oqarpoq.
Hammerslagip apeqqarissaarfigineqarnera tamaat Sermitsiami saqqummersumi kingullermi uani atuaruk: