CIA pillugu misissuisitsineq aasartinnagu piariissaaq
CIA-p nunatta silaannartaatigut timmisartorsimasinnaaneranik misissuisitsineq aasaanerani sulinngiffeqarnerup aallartinnginerani piariissagunartoq nunanut allanut ministeri Per Stig Møller ilisimatitsivoq.
Naalakkersuisut aasaanerani sulinngiffeqalertinnagu USA-p isertortumik paasiniaasarfiata CIA-p timmisartuisa qallunaat nunaat asilaannartaatigut ingerlaartarsimasinnaanerannik kalaallit Nunaannilu mittarfinni orsersortarsimasinnaanerannik misissuinerit naammassissangatippaat. Taamak nunanut allanut ministeri Per Stig Møller, Konservative-neeroq, tallimanngormat nunanut allanut tunngasunut Ataatsimiitsitaliami ataatsimiinnerup kingorna ilisimatitsissutigaa, Ritzau naapertorlugu.
Illorsuaq Qaqortoq sisamanngormat nassuerpoq, CIA-p timmisartuisa tigusanik peqqarniisaarniatut pasisanik ilaasoqartut Det Indiske Ocean-imi tuluit qeqertaataanni Diego Garcia-mut orsersorniarlutik akunnittarsimanerat. Tamanna pitsinnagu USA-p naalakkersuisuisa neriorsuutigisimavaat, tigusannut assartuussinernut taamaattunut tuliuit nunaata silaannartaanik mittarfiinillu atuisarsimanatik.
- Qallunaat naalakkersuisuisa misissuititsinerit aallartissimammatigut qujanartuuvoq, Per Stig Møller erseqqissaavoq.
Paasissutissat nutaat paasissutissanut pereriikkatsinut naqqiutaallutilluunniit ilapertuutaasinnaanersut misissuinerup qulaajarniartussaavaa, nunanut allanut ministeri oqarpoq.