Connie H.: USA siuttuusinnaassusermik takutitsisariaqarpoq
Nunarsuarmi silaannaap kissatsikkiartorneranut akiuiniarnermi USA siuttuusinnaassutsimik takutitsisariaqarpoq, taamak Connie Hedegaard-i silaannaap pissusaanut nukissiornermullu ministeri (K), pingasunngornermi FN-ip silaannaap pissusaa pillugu Bali-mi isumasioqatigiisitsinerani.
- Europa ukiuni untritilingajanni piffissani aaqqiagiinngiffiuni allangoriartorfiusunilu USA-ip siuttuusinnaassuseq ujartorlugu USA-p tungaanut qissimigaartarsimavoq. Maanna taamaalioqqippugut, silaannaap allanngoriartornerinut akuiniarnitsinni isumaqatigiissutissamik annertuumik angusaqarniaraluarnitsinni. Kisianni aamma ilisimaarilluinnarparput, nunat tamarmik - minnerunngitsumik nunat CO2-mik aniatitsinerpaajusut - inaarutaasumik isumaqatigiissuteqarnissamut akisussaaqataalluinnartut, Connie Hedegaard oqarpoq.
FN-ip Silaannaap pissusaa pillugu suleqatigiissitaata nalunaarusiaa kingulleq erseqqilluinnartumik mianersoqqusivoq, qanoq iliuuseqanngikkutta gas-inik silaannarmik kissatsitsisartunik aniatitsineq pinngortitap ataqatigiissusianut tamanut nunarsuarmullu tamarmut sunniuttussamik iluarsineqarsinnaanngitsumik innaarliinernik pilersitsisussaasoq. Aalajangiinerit pingaarutillit kinguartinnissaannut nalornineq tunngavilersuutigissallugu utoqqatsissutaasinnaajunnaarpoq, sunaveersaarnerullu naapertuilluarnermik eqqarsarsinnaassutsimik naleqassusia alliartortipaa, silaannaap pissusaannut ministeri erseqqissaavoq.