Connie Hedegaard: Kalalalit Nunaat oqaloqatigaarput

– Silaannaap pissusaanut ministereqarfiup Kalaallit Nunaata siunnersuutaa nunanut allanut isumaqatiginninniutigimannglaa?

– Kalaallit Nunaanni avatangiisinut ministerit sisamat tallimallunniit oqarfigisarnikuuakka, qallunaat aallartitaannut ilaasinnaasut. Sunik ikiussanerigut aperisarnikuuakka. Siunnersuisartunik naatsorsuisitsisarnikuuvugut. Kalaallit Nunaalli namminiilersussaammat mianersorluta ikiorumasarnikuuarput, uagut isummagut malillugit peqqusinnaannginnatsigit. Kalaallit namminneq sutigut ikioqqunerlutik aalajangertussaammassuk, Connie Hedegaard Informationimut oqarpoq.

– Allakkanilli nassiussisimapput, Danmarkip isumaqatiginninniutigisassaanik oqaasertalimmik siinnersuuteqarlutik, taannalu silaannaap pissusaanut ministereqarfiup saqqummiukkumanngilaa?

– Tamanna uanga oqaaseqarfigisinnaanngilara. Partiip (konservativit, aaq.) ataatsmeersuarneranut peqataagama. Allagarsiarisartakkagut tamaasa eqqaamasinnaanngilakka.

– Allakkat assiliner takunikuuakka akissullu...

– Tassamiuna kunngeqarfik ataqatigiikannersumik iliuuseqartariaqarmat. Taamaattumik Kalaallit Nunaat Danmarkilu oqaloqatigiittariaqarput, massakkullu tamanna ajunngitsumik ingerlapparput, immaqalu qanoq iliuusissatsinnik nassaarumaarluta. Danmarkimi naalakkersuisut kalaallit kissaatigisaat tusaajumasorujussuuaat oqareernertuullu naatsorsuinissaanni ikiorumasorujussuuagut. Kunngeqarfiulli iliuusissai ataqatigiinnerusariaqarput.

– Kalaallit Nunaat CO2-mik 10 millioner tonsinik aniatitsinerusalerumavoq.

– Nuna sunaluunniiit innuttaasumut ataatsimut CO2-mik 170 tonimik aniatitsisarumalluni Københavniliarnavianngilaq. Isumaqarluinnarpungalu tamanna aamma Kalaallit Nunaanni paasineqarsinnaasoq.

– Kisitsit taanna maanngaanniiginnaq tigusaanngilaq. Kalaallit Nunaata PriceaterhouseCoopers uuliamik tunisassiornissap CO2-mik qanoq aniatitsitiginissaanik naatsorsuisissimavaa..

– Qanorpiaq atsigisumik qanorlu iliorluni Kalaallit Nunaanni ingerlatsisoqarnissaa Kuupk Kleistimik oqaloqatiginnissutigiumavara, tamannalu tusagassiorfitsigut ingerlakkumanngilara.

– Kalaallit Nunaata CO2-mik aniatitsinissaata qaffasinnerpaaffilernearnissaa Danmarkip aaqqiissutissarsiorniarpaa?

– Oqareernittut Kuupik Kleistilu periarfisaasinnaasut assigiinngitsut tallimat eqqartornikuuagut, taakkulu atorfillit naatsorsoqqissaareerpatigit ataatsimeeqqissaagut. Kalaallit Nunaat paaseqatigereertinnagu uagut nammineq iliuuseqassanngilagut taamaattumik aamma taakku taamaaliussanngillat.

– Kalaallit Nunaanni tusarfiit arlallit oqaatigaat, Danmarki naalagaaffeqatigiit sinnarlugit nunanut allanut isumatiginninniartoq aammal tusaaniarsimanngikkaa...

– Ajunngitsumik oqaloqatigiippugut. Statsministerilu naalakkersuisut siulittaasuat oqaloqatiginikuuarput, aammalu Kalaallit Nunaata Danmarkillu naammagisimaarsinnaasaanik aaqqiiumagatta naatsorsuisoqarpoq. Taamaattumik naleqquttuunnngilaq isumaqatigiinniarnerit tusagassiorfitsigut ingerlatissagutsigit. Tamakkuupput oqaatigisinnaasakka.