Corona angerlarsimaffimmi ikiorteqarnermut killiliisoq
Kommuneqarfik Sermersuumi angerlarsimaffimmi ikiorteqarnermi kikkut sullinneqarnissaat pillugit salliutitsisartoqartalertariaqalersimavoq.
Kommuneqarfik Sernersooq coronamik tunillatsissimasut amerlanerat pissutigalugu, angerlarsimaffimmi ikiorteqarnermi salliutitsisariaqalersimavoq.
Piffissami aalajangersimasumi angerlarsimaffimmi ikiorteqarnermi pingaarnersiuisoqartariqalersimavoq, tassa innuttaasut pisariaqartitsinerpaat siulliullugit ikiorneqartalissapput.
Kommuni taamaalilluni oqartussanut suliffeqarfinnullu arlalillut, coronap tuniluunneranit sunnerneqarsimasunut akuleruppoq. Tunillatsissimasut amerlassusaannnik arfininngornermi saqqummiussisoqarmat aatsaat taamak amerlatigisunik saqqummiussisoqarpoq, ullormimi ataatsimi, tassa tallimanngornermiit arfininngornermut 504-t tunillatsissimasut nassaarineqarmata.
Kommuni nittartakkamini allappoq, innuttaasut januaarip 13-iat ilanngullugu, ataani taaneqartunik ikiorneqartarnissaminnik pisariaqartitsisut sullinneqarnissaat ukkatarineqassasoq:
- Medicinboks
- Nerisassat
- Eqqiluisaarneq perusuersartarfilirnermullu ikiorneqarneq
- Alersiusanut
- Ikiorneqarnissamik kalleriisut
- Pisiniarneq (innuttaasunut kisimiittunut)
Innuttaasut allanik ikiortariaqarnermut akuersissutillit piffissami taaneqartumi sullinneqarnertik ajorseriarnerannik misigisaqarsinnaassapput. aamaattorlu Angerlarsimaffimmili ikiortini pigaartumut ulloq unnuarlu sianertoqarsinnaavoq.