Corona pillugu tusagassiortunik katersortitsisoqalersoq
Naalakkersuisut ullumi tallimanngornermi nalunaaqutaq pingasunut corona pillugu ilisimatitsissuteqassapput.
![Corona pillugu tusagassiortunik katersortitsisoqalersoq](https://image.sermitsiaq.ag/159462.webp?imageId=159462&width=960&height=512&format=jpg)
Naalakkersuisut Nunatsinni Nakorsaaneqarfik ullumi tallimanngornermi nalunaaqutaq pingasunut tusagassiortunik katersortitsissapput. Tusagassiortunik katersortitsinermi coronap killiffi sammineqassaaq.
Kalaallit Nunaanni sapaatip akunnerata kingulliup ingerlanerani tunillatsissimasut aatsaat taamak amerlatigisimapput, tassa marlunngornermi 40-t pingasunngornermilu 41-t tunillatsissimasut paasineqarmata.
Tunillatsissimasut amerlanerpaartaat Nuummi nassaarineqarput, atuarfinni meeqqerivinnilu tuniluuttoqarluni. Nuummi tunillatsissimasut ilarpassui tassaapput meeqqat aqqaneq-marluk inorlugit ukiullit, taakkulu coronavirusimut akiuussutissalerneqarsinnaanatik.
Ullumi tusagassiortunik katersortitsinissamut qaaqqussummi allassimanngilaq, tuniluuttoqarnera killilersimaarniarlugu nutaanik suliniuteqartoqarluniluunniit nutaanik killilersuisoqarniarnersoq.