Coronartumik toqusoqaqqissimasoq

Sermersuup Napparsimmaveqarfiani ulloq kingulleq coronaqartumik toqusoqarsimavoq.

Nunatsinni Nakorsaaneqarfik nittartakkamigut taamatut ilisimatitsivoq.

Coronaqartumik siullermik toqusoqarpoq siorna novembarip qaammataani.

Ullormi kingullermi coronavirusimik tunillatsissimasut nutaat 477-it nassaarineqarput, taakku sumiiffinnut imatut agguarsimallutik:

Ilulissani 172
Aasiaani 1
Kangerlussuarmi 2
Sisimiuni 29
Maniitsumi 8
Nuummi 224
Narsami 37
Qaqortumi 1
Nanortalimmi 3

- Nunami tamarmi covid-19-eqarlutik uninngasut katillutik arfineq-pingasuupput, Upernavimmi ataaseq, maniitsumi ataaseq Nuummilu arfinillit, Nuummi uninngasoq ataaseq peruluttut uninngavianni uninngalluni, Nunatsinni Nakorsaaneqarfimmit oqaatigineqarpoq.