D: Isumassarsiaq ajorpoq, Aleqa Hammond
Aningaasaqarnermut naalakkersuisup illuatungiliuttut 2009-mut aningaasatigut inatsisassamut ilaatinniarnagit eqqartuutereerpai.
- Tamanna uagut eqqarsaatigilluagaanngitsutit nalilerusupparput. Taamatummi iliornera sunnguamilluunniit isumaqanngilaq. Siunnersuut eq-qarsaatigilluagaanngitsutut isikkoqarpoq, taamaammallu sunngunnguanilluunniit isumaqanngitsutut isigisariaqarpoq, Demokraatit aningaasaqarnermut oqaaseqartartuat Palle Christiansen allappoq.
- Siumup ataatsimeersuarnerani pisussaaffiliisoqarpoq pinngortitap pisuussutaanik atuinermut akitsuusiinissamik, tamatumanilu oqaatigineqareersinnaavoq suliassami tassani Atassut suleqatigilernavianngikkaa. Suliamilu matumani Demmokraatit kiisalu/imaluunniit Inuit Ataqatigiit atorfissaqartilertussaavai. Tamaattumillu aningaasatigut inatsississamut atatillugu partiit taakkua pineqartut suleqatissatut mattunneqarnissaat sunnguamilluunnit isumaqanngitsutut oqaatigineqareersinnaavoq.