Dannebrogimut tunngasoq Nunatta Eqqartuussisuuneqarfiani suliarineqalerpoq
Qallunaanut sakkutuunut marlunnut kunngip umiarsuaanit Dannebrog-imeersunut, apriilimi Nuup eqqartuussiviani pinngitsaaliisimasutut pineqaatissinneqartunut, suliassaq maanna Nunatta Eqqartuussisuuneqarfiani suliarineqalerpoq
Apriilimi Nuup Eqqartussiviani pinngitsaaliisimasutut pisuutinneqarput, maannali Kalaallit Nunaata Eqqartuussisuuneqarfiata marlunngorpat pingasunngorpallu isummerfigissavaa qallunaat sakkutuut taakkua marluk, kunngikkut Nunatsinnut tikeraarneranni kalaallimik atoqateqarsimallutik oqaluttuarsimasut, eqqartuussisuuneqarfik malillugu aamma pinngitsaaliisimanersut.
Aasaq manna siusinnerusukkut eqqartuussivikkoortitsinissat qaqu ingerlanneqassanersut tamanut nalunaarutigineqarmat sakkutuujusimasut eqqartuussisuunerisa Ulrik Blidorf-ip aamma Aviâja Helms-ip suliassaq Sermitsiaq.AG-mut oqaaseqarfigiumanngilaat.
Aamma atuaruk "Dannebrogimi inuttat pisuutinneqarput"
Aamma atuaruk "Dannebrogimut tunngasoq: Angutit marluullutik atoqateqarsimallutik nassuerput"
Aamma atuaruk "Inuit tamarmik sinnattupiluat"
Aamma atuaruk "Takunnittoq: Qittarfimmi akulaavisigut miluppaa"
Ulrik Blidorfili oqarpoq eqqartuussissuserisut eqqartuussisuuneqarfimmi eqqartuussivimmisut piumasaqassasut, tassalu angutit marluullutik pinngitsuutinneqassasut.
Angut taakkua marluk eqqartuussivimmi pineqaatissinneqarput ukioq ataaseq qaammatillu arfinillit pinerluuteqarsimasunut inissiisarfimmiittussatut, arnamullu mitalliisimanerminnut 70.000 koruuninik taarsiissuteqassasut.