Danskit Illersuisui: Kangerlussuaq attatiinnarneqarli
Illersornissaqarfiup Kangerlussuarmiiginnarnissaa neriuutigalugu danskit illersonissamut ministeriat Claus Hjort Frederiksen nalunaarpoq
Silamut tunngasut, illersornissaqarfiup timmisartut atugaat aammalu suliassanik suliarinninnissaq eqqarsaatigalugit Illersornissaqarfiup Kangerlussuarmiiginnarnissaq maannakkut kissaatigaa
Tamanna Qeqqata Kommunianut nutaarsiassaq nuannaarutaassannguatsiarpoq, tassami Kangerlussuup attatiinnarneqarnissaa kommunimit aamma neriuutigineqarmat.
Ane Lone Bagger ima ilisimatitsivoq:
- Tassunga tunngatillugu Naalakkersuisut Illersornissamullu Ministeri suleqatigiisitamik pilersitsissallutit aalajangiuppaat, tassani Illersornissaqarfiup siunissami Kangerlussuarmiiginnarnissaanut aporfiusinnaasut iluaqutaasinnaasullu qulaajarneqassallutik.
Suleqatigiisitat suliaminnik naammassinninnissaat naatsorsuutigineqarpoq aasaq manna 2019-mi.
Danskit illersuisui Kangerlussuarmut aningaasaliissanersut tusagassiutinut nalunaarummi ilisimatitsissutigineqanngilaq.