Danskit naalakkersuisuisa meeqqanut misileraataasunut taarsiinissaq itigartitsissutigaat
Danskit naalakkersuisuisa kalaallinut meeqqanut misiligutaasunut eqqartuussiviit avaqqullugit taarsiiffigineqarnissaat pillugu isumaqatigiissuteqarnianngillat, taamatut oqarpoqsocial- og ældreminister Astrid Krag. Taamaattorli meeqqat misiligutaasut naalagaaffik eqqartuussisunut tunniussinnaavaat.
Godhavndrengenut taarsiineq taarsiisarnermut ataatsimut isigalugu aaqqiissummik atuutilersitsisoqarneranik meeqqanut misileraataasimasunut iluaqutigineqarsinnaasutut isumaqanngilaq, Astrid Krag, Sermitsiami allaaserisaq naapertorlugu taama isumaqarpoq.
- Regeringi isumaqarpoq qanga kukkussutigineqarsimasut nassuerutigineqarnerat tassani qitiuvoq, aamma pingaaruteqarpoq nassuerutiginninnikkut siornatigut kukkunerit ingerlanneqarsimasut ilinniarfigineqarnissaa, taamaalilluni oqaluttuarisaanermi pisimasut uterneqaqqissanngimmata, Astrid Krag allappoq, nangillunilu:
- Kalaallit meeqqat 1951-imi Danmarkimut aallartinneqarsimasoq pillugit qanoq ingerlatsisoqarsimanersoq misissortipparput. Tamatuma kingunerisaanik meeqqanut maannakkut inersimasunngorsimasunut aamma taakkua kinguaavinnut pisortatigoortumik utoqqatsertoqarpoq, naalagaaffiup tungaanit sumiginnaasimanermut kalaallit meeqqat qanoq pineqarsimanerannut tunngatillugu. Taamaalillutik danskit naalakkersuisuisa nalilerpaat, naalagaaffiup sumiginnaasimaneranut tunngatillugu ataqqinninnermik takutitsinermi alloriarneq annertooq pisimasoq, siusinnerusukkut danskit naalakkersuisuisa allat taamaaliorsinnaasimanngillat.
IA-mit folketingimut ilaasortap Aaja Chemnitz Larsenip, suliamik ministerimut qaqitsisup, taamatut akissuteqarneq meeqqat misiliutaasimasut eqqartuussivik aqqutigalugu ingerlatsinissaannut kaammattorneqarnerannik paasinnippoq.
Allaaserisaq tamaat Sermitsiami atuaruk - ataaniittoq tooruk: