DF: Kalaallit Nunaannik isorinnittuunngilagut
Folketingimut ilaasortap Søren Espersenip Dansk Folkepartiip immikkut ittumik Kalaallit Nunaannut isorinnittuunerarlugu oqarneq akerlilerpaa.
Jyllandsposten-ip 22/11 pingaarnertut allaaserisaani Dansk Folkeparti-p sunaluunniit Kalaallit Nunaannut tunngasoq pineqaleraangat periarfissat tamaasa atorluarniartaraanik isumaqarnera Espersenip uumigalugulu naapertuilluanngitsuusoraa. Peqatigitillugu aviisip partii "kalaallit nunaannut isorinnittoq"-tut taavaa.
– Taamaattuunngivippugut, Søren Esperseni jp.dk-mi atuartartut allagaannik quppernermi taamak qisuariaateqarpoq.
Taanna akerlianik isumaqarpoq Dansk Folkeparti "Namminersorneq pillugu isumaloqatigiissitami perusulluni pimoorussillunilu sulisimaso", partii "Klalaallit Nunaanni inuuniarnikkut atukkanik pitsaanngilluinnartunik atugaqartoqarnera kissaammersimaarutigigaa" aammalu partiip "kammalaatigiiaarnersuaq kalaallit nunaannut ilisarnaataasoq kamaammersimaarutigigaa"
– Aamma kalaallit amerlasoorpassuit nuannaarutigalugu oqaatigaat Dansk Folkeparti-p Folketing-imi partiit allat assiginagit - suliami pimoorussilluni sulimmat, Søren Espersen atuartartutut allammini taamak allappoq.